କଳାହାଣ୍ଡି,୧୯|୮ (ନିରଞ୍ଜନ ଗଉଡ): ନର୍ଲା ଉପରପଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ପୋଷାକ ବଣ୍ଟନ ହୋଇଯାଇଛି। ଏନେଇ ଆୟୋଜିତ ପୋଷାକ ବଣ୍ଟନ ଉତ୍ସବରେ ମୁଖ୍ୟ ଅତିଥି ଭାବେ ନର୍ଲା ସରପଞ୍ଚ ଚିରଞ୍ଜିବି ଗୌଡ଼ିଆ, ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି ସଭ୍ୟ କାହ୍ନୁ ରଣା, ବରିଷ୍ଠ ସାମ୍ବାଦିକ ନିରଞ୍ଜନ ଗଉଡ଼, ସିଆରସିସି ଅର୍ଜୁନ କୁମାର ବାଗ ପ୍ରମୁଖ ଉପସ୍ଥିତ ରହି ବିଦ୍ୟାଳୟର ୧୪୫ଜଣ ଛାତ୍ରଛାତ୍ରୀଙ୍କୁ ଦୁଇ ଯୋଡ଼ା ଡ୍ରେସ ଓ ଏକ ଯୋଡ଼ା ବୁଟ ପ୍ରଦାନ କରିଥିଲେ। ବିଦ୍ୟାଳୟର ବରିଷ୍ଠ ଶିକ୍ଷୟିତ୍ରୀ କ୍ରିଷ୍ଣା କୁମାରୀ ହୋତା, ସଂଗୀତା ବେହେରା, ସବିତା ଯାନୀ ଓ ସବିତା ପାତ୍ର ଉପସ୍ଥିତ ରହି ପୋଷାକ ବଣ୍ଟନରେ ସହଯୋଗ କରିଥିଲେ।
