ଲାଞ୍ଜିଗଡ଼: କଳାହାଣ୍ଡି ଜିଲ୍ଲା ଲାଞ୍ଜିଗଡ଼ର ପ୍ରସିଦ୍ଧ ଭୈରବଦେବ ପୀଠର ପାଟ ମହୁରିଆ ସେବକ ଭାବେ ଦାୟିତ୍ୱ ତୁଲାଉଥିବା ଉରେ ନାଏକଙ୍କ ୬୦ ବର୍ଷ ବୟସରେ ତାଙ୍କ ବଡପଡାସ୍ଥିତ ବାସଭବନରେ ବିୟୋଗ ହୋଇଛି । ତାଙ୍କ ବିୟୋଗରେ ଅଞ୍ଚଳ ବ୍ୟାପି ଶୋକର ଛାୟା ଖେଳିଯାଇଛି । ସ୍ୱର୍ଗତ ଉରେ ଭୈରବଦେବଙ୍କ ମୁଖ୍ୟ ଆବାହନକାରୀ ବାଦ୍ୟଦଳର ମୁଖ୍ୟ ତଥା ପାଟ ମହୁରିଆ ଭାବେ ଗୁରୁଦାୟିତ୍ୱ ଦୁଲାଇ ଆସୁଥିଲେ । ତାଙ୍କର ଦୁଃଖଦ ମୃତ୍ୟୁ ଘଟିବା ପରେ ଭୈରବଦେବଙ୍କ ଭକ୍ତ ଓ ଶ୍ରଦ୍ଧାଳୁ ତଥା ଲାଞ୍ଜିଗଡ଼ ଅଞ୍ଚଳରେ ଶୋକର ଛାୟା ଖେଳିଯାଇଛି । ଆଜି ସନ୍ଧ୍ୟାରେ ତାଙ୍କର ମୃତ୍ୟୁ ଘଟିଥିବାବେଳେ ମୃତ୍ୟୁଶଯ୍ୟା ପାଖରେ ପୁଅ ମିଲନ ନାଏକ, ପୁତୁରା ଧର୍ମେନ୍ଦ୍ର ନାଏକ, ରାଜେଶ ନାଏକ, ବୀରେନ୍ଦ୍ର ନାଏକଙ୍କ ସମେତ ସମାଜସେବୀ ଶ୍ରୀବତ୍ସ ତାଣ୍ଡି, ସତ୍ୟ ନାଏକ, ପରିବାରବର୍ଗ ଓ ଆତ୍ମୀୟ ସ୍ୱଜନ ଉପସ୍ଥିତ ଥିଲେ ।
ଲାଞ୍ଜିଗଡ଼ରୁ ଦୁଃଖିଶ୍ୟାମ ନାଗ (ନିଲେଶ)ଙ୍କ ରିପୋର୍ଟ OdiaBarta.in
