ପଶ୍ଚିମ ଓଡିଶା ପରିବାର-ମୁମ୍ବାଇ ତରଫରୁ ପୁଷପୁନି ଭେଟଘାଟ ୨୦୨୨ ପାଳିତ

ମୁମ୍ବାଇ: ପଶ୍ଚିମ ଓଡିଶା ପରିବାର ମୁମ୍ବାଇ ପକ୍ଷରୁ ଜୁମ, ଫେସବୁକ ଓ ୟୁଟ୍ୟୁବ ଲାଇଭ ମାଧ୍ୟମରେ ପୁଷପୁନି ଭେଟଘାଟ ୨୦୨୨ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବଲିଉଡର ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ପଦ୍ମଶ୍ରୀ ନୀଳମାଧବ ପଣ୍ଡା ମୁଖ୍ୟ ଅତିଥି ଏବଂ ଆଇପିଏସ୍, ଆଇଜି ଅପରେସନ୍ ଓଡିଶା ପୋଲିସ୍ ଅମିତାଭ ଠାକୁର ସମ୍ମାନିତ ଅତିଥି ଭାବରେ ଯୋଗଦାନ କରିଥିଲେ। ବନ୍ଦେ ମାତରଂ ସଙ୍ଗୀତ ଓ ମା ସମଲେଇଙ୍କ ପୂଜା ସହିତ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଅବସରପ୍ରାପ୍ତ ଆଇଆରଏସ ଏବଂ ପଶ୍ଚିମ ଓଡିଶା ପରିବାରର ପ୍ରତିଷ୍ଠାତା ଶ୍ରୀକାନ୍ତ ଚାଟାର୍ଜୀ ୨୦୦୭ ମସିହାରୁ ମୁମ୍ବାଇରେ ସମ୍ବଲପୁରୀ ସଂସ୍କୃତିର ପ୍ରଚାର ପାଇଁ ପଶ୍ଚିମ ଓଡ଼ିଶା ପରିବାରର ଉଦ୍ୟମ ବିଷୟରେ କହିଥିଲେ। କାର୍ଯ୍ୟକ୍ରମର ଆରମ୍ଭରେ ସେ ଉଭୟ ଅତିଥିଙ୍କ ପରିଚୟ ପ୍ରଦାନ କରିଥିଲେ। ଉକ୍ତ କାର୍ଯ୍ୟକ୍ରମରେ ପଶ୍ଚିମ ଓଡିଶାର ଲୋକଙ୍କ ପାଇଁ  ଉଭୟ ଅତିଥି ପୁଷପୁନିର ମହତ୍ତ୍ୱ  ବିଷୟରେ ଉଲ୍ଲେଖ କରିଥିଲେ। ଜୁହାର ଫାଉଣ୍ଡେସନ ମୁମ୍ବାଇ ଦ୍ୱାରା ଓଡ଼ିଶା ପାଇଁ କୋଭିଡ ମହାମାରୀ ସମୟରେ କରାଯାଇଥିବା ମହାନ ସାମାଜିକ  କାର୍ଯ୍ୟକୁ ଉଭୟ ପ୍ରଶଂସା କରିଥିଲେ ଏବଂ ସଦସ୍ୟମାନଙ୍କୁ ଉତ୍ସାହିତ କରିଥିଲେ। ଓଡିଶା ସରକାରଙ୍କ ନୋଡାଲ ଅଫିସର ଅମିତାଭ ଠାକୁର  କୋଭିଡ୍ ରିଲିଫ୍ ଅପରେସନ୍ ପାଇଁ ଓଡିଶାର ଜୁହାର ଫାଉଣ୍ଡେସନ୍ ପ୍ରଥମ ପର୍ଯ୍ୟାୟ କୋଭିଡ ସଂକ୍ରମଣ  ସମୟରେ ମୁମ୍ବାଇରୁ ପ୍ରବାସୀ ଓଡ଼ିଆ  ଶ୍ରମିକମାନଙ୍କୁ ଓଡିଶାକୁ ପଠାଇ  ମାସ୍କ ବିତରଣ କରିବା ଏବଂ ଦ୍ୱିତୀୟ ପର୍ଯ୍ୟାୟ କୋଭିଡ ସଂକ୍ରମଣ ସମୟରେ ଓଡିଶାରେ ଅମ୍ଳଜାନ ବ୍ୟାଙ୍କ ସହ କୋଭିଡ ହସ୍ପିଟାଲ ସ୍ଥାପନର ପ୍ରୟାସକୁ ପ୍ରଶଂସା କରିଥିଲେ। ଏହା ସହିତ ସୁଦୂର ଗ୍ରାମାଞ୍ଚଳର ଛାତ୍ରଛାତ୍ରୀମାନଙ୍କ ନିମନ୍ତେ ପ୍ରସ୍ତୁତ ଭିଏସ୍ଏସ୍ ଫେଲୋସିପ୍ ନାମକ ଶିକ୍ଷା ବ୍ୟବସ୍ଥାକୁ ମଧ୍ୟ ପ୍ରଶଂସା କରିଥିଲେ। ଏହି କାର୍ଯ୍ୟକ୍ରମରେ ଆଦିବାସୀ ଏବଂ ଲୋକକଳା କେନ୍ଦ୍ର ସମ୍ବଲପୁରର ଆଲୋକ ପଣ୍ଡା ଏବଂ ତାଙ୍କ ଗ୍ରୁପ୍ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିବା ବେଳେ ସଂଗୀତା ଗହୀର, ହେମାଙ୍ଗିନୀ ଦାସ, ନୀତିଶ ଆଚାର୍ଯ୍ୟ, ମନୋରଞ୍ଜନ ପୁରୋହିତ, ଆଶୁତୋଷ ମନୀଷ ମହାପାତ୍ର, ସିଦ୍ଧାନ୍ତ ମିଶ୍ର ଏବଂ ହାସ୍ୟକବି ଗୁଣରଞ୍ଜନ ସାଲିମା ପ୍ରମୁଖ କବିତା ପାଠ କରିଥିଲେ। ଏହି କାର୍ଯ୍ୟକ୍ରମରେ କବିତା ସାହାଣୀ ସଂଯୋଜନା କରିଥିବା ବେଳେ ବରିଷ୍ଠ ସଦସ୍ୟ ଅରବିନ୍ଦ ପତି ଧନ୍ୟବାଦ ଅର୍ପଣ କରିଥିଲେ।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.