ନାରୀ ସେ ଅଟେ ନାରାୟଣୀ
କୀର୍ତ୍ତିରେ ସେ କାତ୍ୟାୟନୀ
କେବେ ସେ ଦେଵୀ କେବେ ପୁଣି
ସାଜେ ରୂପେ ସିଂହବାହିନୀ ।।
ଦେଶ ପାଇଁ ଆଣି ପାରେ ଏହି
ନାରୀ ହିଁ ପ୍ରଗତି
ନ ଯିବା ଭୁଲି ଆଜି ପରା ତାଙ୍କ
ଦିବସ ଆଣିବା ଜାଗୃତି ।।
ରଖିବା ବଜାୟ ନାରୀ ସଶକ୍ତିକରଣ
ହଟାଇବା ଦେଶେ ନାରୀ ହରଣ
ସଂସାରୁ ହଟାଇ ପୁଣି ଯୌତୁକ ପ୍ରଥା
ସଂକଳ୍ପ କରି ରଖି ସଭିଏଁ ସ୍ମରଣ ।।
ସେ ତ ଅଟେ ଜାୟା ସେ ପୁଣି ଜନନୀ
ସେ ତ ଅଟେ ଭଗିନୀ
ତା ବିନା ଘରେ ଭରି ପଡେ ଶୂନ୍ୟତା
ସେ ଅଟେ ମନ ମୋହିନୀ ।।
ସେ ଅଟେ ଦୁହିତା ସାଜି ଆଜି
ଦୁଇ କୂଳକୁ ହିତା
ବୃଦ୍ଧା କାଳେ ପିତାମାତାଙ୍କ ପ୍ରତି
ସାଜେ ରକ୍ଷା କରତା ।।
✍🏾ତ୍ରିନାଥ ପଟ୍ଟନାୟକ
(ଅଧ୍ୟାପକ ତଥା କବି)
ଶିକ୍ଷକ କଲୋନୀ, ଗାନ୍ଧୀ ନଗର
କୋରାପୁଟ
ମୋ:୯୪୩୮୩୬୨୧୭୨
