ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି)ର ୭୫ ତମ ବର୍ଷର ଶୁଭାରମ୍ଭ ହୋଇ ଯାଇଛି। ଏହି ଅବସରରେ ବିଦ୍ୟାର୍ଥୀ ପରିଷଦ ତରଫରୁ ବୃକ୍ଷମିତ୍ର ଅଭିଯାନ ମାଧ୍ୟମରେ ସାରା ଦେଶରେ ବୃକ୍ଷ ରୋପଣ ସହ ସେବାକାର୍ଯ୍ୟ ଜାରି ରହିଛି। ଏହି କ୍ରମରେ ଏବିଭିପି ନର୍ଲା ନଗର ତରଫରୁ ପଞ୍ଚାୟତ ସମିତି ମହାବିଦ୍ୟାଳୟ ନର୍ଲା ଓ ସରକାରୀ ଉଚ୍ଚ ବିଦ୍ୟାଳୟ ମାଣ୍ଡେଲରେ ବୃକ୍ଷମିତ୍ର ଅଭିଯାନରେ ବୃକ୍ଷ ରୋପଣ କରାଯାଇଛି। ଏନେଇ ଆୟୋଜିତ କାର୍ଯ୍ୟକ୍ରମରେ ନର୍ଲା ନଗର ସଭାପତି ଅଧ୍ୟାପିକା ବାସନ୍ତୀ ସାହୁ , କଳାହାଣ୍ଡି ବିଭାଗ ସଂଯୋଜକ ନୃପମଣି ବାହୁକ, ରତ୍ନାକର ନାଗ, ସନାତନ ନାଏକ ପ୍ରମୁଖ ଉପସ୍ଥିତ ଥିଲେ। ବୃକ୍ଷମିତ୍ର ଅଭିଯାନରେ ବିଦ୍ୟାର୍ଥୀ ପରିଷଦ ସାରା ଦେଶରେ ଏକ କୋଟି ଏବଂ କଳାହାଣ୍ଡି ଜିଲ୍ଲା ରେ ୩୦,୦୦୦ ବୃକ୍ଷ ରୋପଣ କରିବା ବୋଲି ଜିଲ୍ଲା ସଂଯୋଜକ ତନ୍ମୟ ବିଶି କହିଛନ୍ତି।
