ଓଡ଼ିଆ ବାର୍ତ୍ତା/ କେସିଙ୍ଗା (ମଧୁସୂଦନ ଠାକୁର): କେସିଙ୍ଗା ବଲାଙ୍ଗୀର ଛକଠାରେ ଥିବା ମାଁ ଗୌରୀ ଅଟୋମୋବାଇଲ ଦୋକାନରେ ଅଚାନକ ନିଆଁ ଲାଗି ଯାଇ ଲକ୍ଷାଧିକ ଟଙ୍କାର ମୋବିଲ, ଗାଡ଼ି ପାର୍ଟସ ପୋଡ଼ି ଛାରଖାର ହୋଇ ଯାଇଛି। ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି। ସୂଚନା ଅନୁଯାୟୀ ଦୋକାନ ମାଲିକ ଦୋକାନ ବନ୍ଦ କରି କୌଣସି କାମରେ ଯାଇଥିବା ବେଳେ ଗତକାଲି ସନ୍ଧ୍ୟା ୭ଟା ସମୟରେ ହଠାତ୍ ଦୋକାନ ଭିତରୁ ଧୁଆଁ ବାହାରୁ ଥିବା ସ୍ଥାନୀୟ ଲୋକମାନେ ଦେଖିବାକୁ ପାଇଥିଲେ। ପରେ ସ୍ଥାନୀୟ ଲୋକେ ସଙ୍ଗେ ସଙ୍ଗେ ଦମକଳ ବିଭାଗ ଓ ପୋଲିସକୁ ଖବର ଦେଇଥିଲେ। ଦମକଳ ଗାଡ଼ି ଆସି ନିଆଁ ଲିଭାଇ ଥିଲେ, ତେବେ ଦୋକାନ ଭିତରେ ଥିବା ସାମଗ୍ରୀ ସବୁ ପୋଡି ନଷ୍ଟ ହୋଇଥିବା ଜଣାପଡିଛି।
