ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଐତିହାସିକ ଅସୁରଗଡ ଗ୍ରାମରେ ଦୃତ ଗତିରେ ଚାଲିଛି ମର୍ଯ୍ୟଦା ପୁରୁଷୋତ୍ତମ ଶ୍ରୀରାମଙ୍କ ମନ୍ଦିର ନିର୍ମାଣ କାର୍ଯ୍ୟ । କଳାହାଣ୍ଡି ଜିଲ୍ଲା ନର୍ଲା ବ୍ଲକ ଅନ୍ତର୍ଗତ ଅସୁରଗଡ ଗ୍ରାମରେ ଅନେକ ବର୍ଷ ହେଲା ପୂଜା ପାଇ ଆସୁଛନ୍ତି ଭଗବାନ ଶ୍ରୀରାମ । ଏଠାରେ ପ୍ରତିବର୍ଷ ଆୟୋଜିତ ହୋଇଥାଏ ରାମ ନବମୀ ମହୋତ୍ସବ । ତେବେ ଅଞ୍ଚଳବାସୀଙ୍କ ସହଯୋଗରେ ବର୍ତ୍ତମାନ ଏଠାରେ ଉଭା ହୋଇଛି ବିଶାଳ ମନ୍ଦିର, ଯାହା ବର୍ତ୍ତମାନ ନିର୍ମାଣଧିନ । ଆଜି ପବିତ୍ର ବିଜୟା ଦଶମୀର ଶୁଭ ଅବସରରେ ଏହି ମନ୍ଦିରର ସିଂହାସନ ନିର୍ମାଣର ଶୁଭ ଦିଆଯାଇଛି । ଏନେଇ ଆୟୋଜିତ କାର୍ଯ୍ୟକ୍ରମରେ ରୁପ୍ରାରୋଡର ବିଶିଷ୍ଟ ସମାଜସେବୀ ଡ଼ଃ ସାଧୁରାମ ଅଗ୍ରୱାଲଙ୍କ ସୁପୁତ୍ର ସୁମିତ କୁମାର ଅଗ୍ରୱାଲ, ମାଣ୍ଡେଲ ସରପଞ୍ଚ ପଦ୍ମଲୋଚନ ଜାଲଙ୍କ ସମେତ ପୁଜିପଦର ଗ୍ରାମର ହୃଦାନନ୍ଦ ନାଏକ, ମାଣ୍ଡେଲର ସାରଥି ନାଏକ, ନର୍ଲାର ମନ୍ମୟ ଚାନ୍ଦ, ରୁପ୍ରାରୋଡର ରାଜେଶ ଦତ୍ତା, ପଦ୍ମନାଭ ସାହୁ ଓ ଧିରେନ୍ଦ୍ର ଖେତାନ, ତୁଲାଗାଁର ମଧୁସୂଦନ ରାଉତ, ସର୍ଗିଗୁଡାର କୁମୁଦ ନାଏକ, ପୂର୍ବତନ ଜିଲ୍ଲା ପରିଷଦ ସଦସ୍ୟ ତଥା କଳାହାଣ୍ଡି ସାଂସଦଙ୍କ ନର୍ଲା ପ୍ରତିନିଧି ପ୍ରଦୀପ ନାଏକ, ଭିମକେଲାର ନିତ୍ୟାନନ୍ଦ ସାହୁ, ଦହଲର ପଦ୍ମ ଚରଣ ନାଏକ, ଅସୁରଗଡର ଖୁସିରାମ ସାହୁ, ଜଗନ୍ନାଥ ଗଉଡ, ବିରଞ୍ଚି ରଣା, ରାଧାକାନ୍ତ ରଣା, ରେବା ପଧାନ, କୁନୁ ସାହୁ, ଅଶୋକ ସାହୁ ପ୍ରମୁଖ ଉପସ୍ଥିତ ଥିଲେ । ମନ୍ଦିର ନିର୍ମାଣ କରୁଥିବା ମହାରଣା ଶ୍ରୀ ଗୈାରଚନ୍ଦ୍ର ମହାରଣା କାର୍ଯ୍ୟକ୍ରମର ସଂଯୋଜନା କରିଥିଲେ । ଆଗାମୀ ନଭେମ୍ବର ମାସ ଶେଷ ସୁଦ୍ଧା ମନ୍ଦିର ନିର୍ମାଣ କାର୍ଯ୍ୟ ସମାପନ କରିବାକୁ ଉପସ୍ଥିତ ସମସ୍ତ ବିଜ୍ଞ ବ୍ୟକ୍ତି ସହମତି ହୋଇଛନ୍ତି । ଏହାସହ ୨୦୨୩ ରାମ ନବମୀ ପୂର୍ବରୁ ମନ୍ଦିରର ପ୍ରତିଷ୍ଠା କରାଯିବାକୁ ଲକ୍ଷ୍ୟ ରଖାଯାଇଛି ।