ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ରାୟଗଡା ଜିଲ୍ଳାର କାଶିପୁର ବ୍ଳକରେ ଗତ ତିନିଦିନ ତଳେ ହୋଇଥିବା ପଶ୍ଚିମା ଝଡ ଯୋଗୁଁ ବ୍ୟାପକ କ୍ଷୟକ୍ଷତି ହୋଇଥିଲା । କୁଆପଥର ବର୍ଷାରେ ବହୁ ଘର ଟିଣ ଛାତଗୁଡିକ ଫାଟି ଆଁ କରିଥିବା ବେଳେ ଅନେକଙ୍କ ଘର ଛାତ ଉଡିଯାଇଥିଲା । ଫଳରେ ବର୍ଷା ଯୋଗୁଁ ଘରେ ଥିବା ଚାଉଳ,ଡାଲି ଭଳି ଖାଦ୍ୟଶସ୍ୟ ନଷ୍ଟ ହୋଇଯାଇଥିଲା । ତେଣୁ ଏହି କ୍ଷୟକ୍ଷତିରେ ଭାଙ୍ଗି ପଡିଥିବା ପରିବାରଙ୍କୁ ସହାୟତାର ହାତ ବଢେଇଛନ୍ତି ପୂର୍ବତନ ରାଜ୍ୟସଭା ସାଂସଦ ଏନ.ଭାସ୍କର ରାଓ । କାଶିପୁର ବ୍ଳକର ବିଭିନ୍ନ ଗାଁର ୫୨ଟି ପରିବାରକୁ ଚାଉଳ,ଡାଲି,ତେଲ,ଆଳୁ ଆଦି ସହ ଅନ୍ୟାନ୍ୟ ରନ୍ଧା ଖାଦ୍ୟ ସାମଗ୍ରୀ କିଟ୍ ଘରେ ଘରେ ପଂହଚାଇଛନ୍ତି ଶ୍ରୀ ରାଓ । ଦୁର୍ଦ୍ଦିନ ସମୟରେ ଲୋକଙ୍କ ସହ ସବୁବେଳେ ମୁଁ ଠିଆ ହୋଇ ରହିଛି ଏବଂ ଜଣେ ଲୋକ ପ୍ରତିନିଧି ଭାବେ ସେମାନଙ୍କୁ ସହାୟତା କରିବା ମୋର କର୍ତବ୍ୟ ଏହା ଛଡା ଆଉ କିଛି ନୁହେଁ ବୋଲି ଶ୍ରୀ ରାଓ ପ୍ରକାଶ କରିଛନ୍ତି । ଅପରପକ୍ଷେ ରିଲିଫ୍ କିଟ୍ ପାଇ କ୍ଷୟକ୍ଷତି ପରିବାର ଖୁସି ବ୍ୟକ୍ତ କରିବା ସହ ପୂର୍ବତନ ରାଜ୍ୟସଭା ସାଂସଦଙ୍କୁ କୃତଞତା ଜଣାଇଛନ୍ତି ।
