‘କାଳିଆ’ ବନାଲା ଭକୁଆ !

ରାଜ୍ୟ ସରକାରଙ୍କ କାଳିଆ ଯୋଜନା କଥା : କହେଲେ କଥାନି ଗାଏଲେ ଗୀତା

ସୋନପୁର,୧/୫ : ଚାଷୀ ମାନଙ୍କୁ ଆର୍ଥିକ ସହାୟତା ଯୋଗାଇ ଦେବା ପାଇଁ ରାଜ୍ୟ ସରକାର ଲାଗୁ କରିଥିଲେ ‘କାଳିଆ’ ଯୋଜନା । ଯୋଜନାରେ ଛୋଟ, ନାମମାତ୍ର ଚାଷୀଙ୍କ ସହିତ ଭାଗଚାଷୀ, ଭୂମିହୀନଙ୍କୁ ସହୟତା ପ୍ରଦାନ କରିବା ପାଇଁ ସରକାର ନିଷ୍ପତ୍ତି ନେଇଥିଲେ । ଅନ୍ୟପକ୍ଷରେ ଏହି ଯୋଜନା କେବଳ ନିର୍ବାଚନୀ ବୈତରଣୀ ପାର ହେବା ପାଇଁ ବୋଲି ବିରୋଧୀ ଦଳ ଅଭିଯୋଗ କରିଥିଲେ । ସୋନପୁର ଜିଲାରେ କାଳିଆକୁ ନେଇ ଭକୁଆ ହୋଇଛନ୍ତି ଚାଷୀ । ଜିଲାରେ ରହିଥିବା ଚାଷୀଙ୍କ ସଂଖ୍ୟା ୩ ଲକ୍ଷରୁ ଅଧିକ । ଏହା ସହିତ ଭାଗଚାଷୀ ଓ ଭୂମିହୀନ ଅଛନ୍ତି । କିନ୍ତୁ ଏଯାବତ ଏହି ଯୋଜନାରେ ଅନେକ ବଚିଂତ ହୋଇଥିବା ପ୍ରକାଶ ହେଉଛି । ଅନେକ ସଂଖ୍ୟାରେ ଲୋକ ରାଜ୍ୟ ସରକାରଙ୍କ କାଳିଆ ସହାୟତାକୁ ଜଗି ବସିଛନ୍ତି । ସରକାରୀ ଯୋଜନାର ଏଭଳି ବିପର୍ଯ୍ୟସ୍ତ ଅବସ୍ଥା ନେଇ ତୀବ୍ର ଅସନ୍ତୋଷ ପ୍ରକାଶ ପାଉଛି । କିଛି ଦିନ ତଳେ ସମାପ୍ତ ହୋଇଥିବା ସାଧାରଣ ନିର୍ବାଚନରେ ଏହାର ବିପରୀତ ପ୍ରଭାବ ପଡ଼ିଥାଇପାରେ ଲୋକଙ୍କ ମଧ୍ୟରେ ମତ ପ୍ରକାଶ ପାଉଛି । ଏଠାକାର ଚାଷୀ ମାନଙ୍କ ପାଇଁ ଟଙ୍କାଟିଏ ମଧ୍ୟ ଏକ ବଡ ସହୟତା ବୋଲି ଆଲୋଚନା ହୋଇଥାଏ ।

ସହାୟତାରୁ ବଞ୍ଚିତ ଚାଷୀ, ନିର୍ବାଚନରେ ପଡିଥାଇପାରେ ବିପରୀତ ପ୍ରଭାବ

ରାଜ୍ୟରେ ଦେଖାଦେଇଥିବା ମରୁଡି ପରିସ୍ଥିତିକୁ ଆଖିରେ ରଖି ରାଜ୍ୟ ସରକାର ଆରମ୍ଭ କରିଥିଲେ କାଳିଆ ଯୋଜନା । ଏହି ଯୋଜନା ରାଜ୍ୟ ସରକାରଙ୍କ ଐତିହାସିକ ନିଷ୍ପତ୍ତି ବୋଲି ବିଜେଡି ତରଫରୁ ପ୍ରଚାର କରାଯାଇଥିଲା । କିନ୍ତୁ କାଳିଆ ଯୋଜନା ସୋନପୁର ଜିଲାରେ ଠିକ ଓଲଟା ରହିଥିବା ଅଭିଯୋଗ ହୋଇଛି । କାଳିଆ ଯୋଜନରେ ଚାଷୀ ମାନଙ୍କ ପାଇଁ ପାଞ୍ଚଟି ଚାଷ ଋତୁରେ ୫ହଜାର ଲେଖାଏଁ ଟଙ୍କା ପ୍ରଦାନ କରିବାର ନିଷ୍ପତ୍ତି ହୋଇଥିଲା । ଚାଷୀ ମାନଙ୍କର ବର୍ଗୀକରଣ କରାଯାଇ ପାଞ୍ଚୋଟି ପର୍ଯ୍ୟାୟରେ ସହାୟତା ପ୍ରଦାନ ବ୍ୟବସ୍ଥା କରାଯାଇଥିଲା । ଜାନୁଆରୀ ୨୫ ରୁ ଫେବୃଆରୀ ୫ ତାରିଖ ପର୍ଯ୍ୟନ୍ତ ଦ୍ୱିତୀୟ ପର୍ଯ୍ୟାୟ ପାଇଁ ଆବେଦନ ଗ୍ରହଣ କରାଯାଇଥିଲା । ସୋନପୁର ଜିଲାର ପ୍ରାୟ ଏକଲକ୍ଷରୁ ଅଧିକ ଚାଷୀ ସହାୟତା ପାଇବାରୁ ବଞ୍ଚିତ ରହିଛନ୍ତି । କାଳିଆ ଯୋଜନାକୁ ନେଇ ବିଜେଡି ନିର୍ବାଚନ ଜିଣିବାର ଲକ୍ଷ୍ୟ ରଖିଥିବା ବେଳେ ଏବେ କାଳିଆ ସହାୟତା ଟଙ୍କା ପାଇଁ ଚାଷୀ ଭକୁଆ ହୋଇଛନ୍ତି । ବ୍ୟାଙ୍କ ଖାତାରେ ଟଙ୍କା ଜମା ହୋଇଛି ନା ନାହିଁ ତାହା ଜାଣିବା ପାଇଁ ଚାଷୀ ବ୍ୟାଙ୍କ ଧାଉଁଥିବା ବେଳେ ନିରାଶ ହୋଇ ଫେରୁଛନ୍ତି । ଏହାର ପ୍ରଭାବ ଗତ ନିର୍ବାଚନରେ ପଡିଥିବାର ଯଥେଷ୍ଟ ସମ୍ଭାବନା ରହିଥିବା ଆଲୋଚନା ହେଉଛି ।

ସୋନପୁର ଜିଲ୍ଲା ପ୍ରତିନିଧି ସୁଶାନ୍ତ କୁମାର ସାହୁଙ୍କ ରିପୋର୍ଟ odiabarta.in

ହ୍ଵାଟ୍ସଆପରେ ଲେଟେଷ୍ଟ ନ୍ୟୁଜ୍ ଅପଡେଟ୍ ପାଇବା ପାଇଁ ତଳେ କ୍ଲିକ୍ କରନ୍ତୁ👇

http://bit.ly/odiabartagroup2

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in

Leave a Reply

Your email address will not be published. Required fields are marked *

error: You are not allowed to copy this content. Thank you.