ଓଡ଼ିଆ ବାର୍ତ୍ତା/ ଚେନ୍ନାଇ: ଚଳିତ ଆଇପିଏଲର ପ୍ରଥମ କ୍ୱାଲିଫାୟର ମ୍ୟାଚରେ ଚେନ୍ନାଇ ସୁପର କିଙ୍ଗସ ଗୁଜୁରାଟ ଟାଇଟାନ୍ସ ସମ୍ମୁଖରେ ଥିଲା। ସିଏସକେ ଦଳ ଏହି ମ୍ୟାଚକୁ ୧୫ ରନରେ ଜିତି ନେଇଛି। ଏହା ସହିତ, ସିଏସକେ ଚଳିତ ଆଇପିଏଲ ଫାଇନାଲରେ ପହଞ୍ଚିବାରେ ପ୍ରଥମ ଦଳ ହୋଇପାରିଛି। ଏହି ମ୍ୟାଚରେ ପ୍ରଥମେ ବ୍ୟାଟିଂ କରି ଚେନ୍ନାଇ ୧୭୨ ରନ୍ ସଂଗ୍ରହ କରିଥିଲା। ଏହାର ଜବାବରେ ଗୁଜରାଟ ଦଳ ୧୦ ୱିକେଟ୍ ହରାଇ ମାତ୍ର ୧୫୭ ରନ୍ କରିବାରେ ସକ୍ଷମ ହୋଇଥିଲା। କହିରଖୁଛୁ ଚଳିତ ଆଇପିଏଲରେ ଗୁଜରାଟ ଚେନ୍ନାଇଠୁ ଏହା ପୂର୍ବରୁ ଖେଳାଯାଇଥିବା ମ୍ୟାଚରେ କେବେ ହାରିନଥିଲା। ଗୁଜରାଟ ଦଳର ବ୍ୟାଟସମ୍ୟାନ ମାନେ ଏହି ମ୍ୟାଚରେ ଭଲ ପ୍ରଦର୍ଶନ କରିପାରିନଥିଲେ। ଓପନିଂ ଆସିଥିବା ଶୁଭମାନ ଗିଲ ସର୍ବାଧିକ ୪୦ ରନ୍ ସଂଗ୍ରହ କରିଥିଲେ। ଏଥି ସହିତ ତାଙ୍କ ସହିତ ଓପନିଂ ଆସିଥିବା ରିଦ୍ଧିମାନ ସାହା ମାତ୍ର ୧୨ ରନ୍ ସଂଗ୍ରହ କରିଥିଲେ। ଏହା ପରେ କ୍ୟାପଟେନ ହାର୍ଦ୍ଦିକ ପାଣ୍ଡ୍ୟା ୮, ଦାସୁନ ଶାନାକା ୧୭, ଡେଭିଡ ମିଲର ୪, ବିଜୟ ଶଙ୍କର ୧୪ ଏବଂ ରାହୁଲ ତେୱାଟିୟା ୩ ରନ କରିବାରେ ସକ୍ଷମ ହୋଇଥିଲେ। ଶେଷରେ, ରସିଦ ଖାନ ଗୁଜୁରାଟକୁ ୧୫୦ ଅତିକ୍ରମ କରିବାକୁ ୩୦ ରନର ଇନିଂସ ଖେଳିଥିଲେ। ସିଏସକେରୁ ମହେଶ ଥିକଶାନା, ରବିନ୍ଦ୍ର ଜାଡେଜା, ମାଥୀସା ପାଥିରାନା ଏବଂ ଦୀପର ଚହର ୨ଟି ଲେଖାଏଁ ୱିକେଟ୍ ନେଇଥିଲେ। ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ସିଏସକେ ୧୭ ୱିକେଟ୍ ହରାଇ ୧୭୨ ରନ୍ ସଂଗ୍ରହ କରିଥିଲା । ସିଏସକେ ପାଇଁ ଇନିଂସ ଆରମ୍ଭ କରିଥିବା ରୁତୁରାଜ ଗାଇକୱାଡ ୪୪ ବଲରେ ୬୦ ରନ୍ ସଂଗ୍ରହ କରିଥିଲେ। ଏହା ବ୍ୟତୀତ ଡିଭନ୍ କନୱେଙ୍କ ବ୍ୟାଟରୁ ୪୦ ରନର ଏକ ଇନିଂସ ମଧ୍ୟ ଆସିଥିଲା। ଏଥି ସହିତ ଅଜିଙ୍କ୍ୟ ରାହାଣେ ଏବଂ ଅମ୍ବାତି ରାୟୁଡୁ ୧୭ ଲେଖାଏଁ ବ୍ୟକ୍ତିଗତ ରନ୍ କରିଥିଲେ। ରବିନ୍ଦ୍ର ଜାଡେଜା ଶେଷରେ ୨୨ ରନ କରିଥିଲେ। ଗୁଜରାଟ ପାଇଁ ମହମ୍ମଦ ଶାମି ଏବଂ ମୋହିତ ଶର୍ମା ୨-୧ ୱିକେଟ୍ ନେଇଥିଲେ।
