ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ ଅଧିନସ୍ଥ ସର୍ଗିଗୁଡା ଗ୍ରାମ ପଂଚାୟତର ବାଙ୍କେଲ ଗ୍ରାମରେ ରବିବାର ପାଞ୍ଚ କୁଣ୍ଡିୟ ଗାୟତ୍ରୀ ମହାଯଜ୍ଞ ଅନୁଷ୍ଠିତ ହୋଇଯାଇଛି । ବରିଷ୍ଠ ଯାଜକ ରଞ୍ଜନ କୁମାର ତ୍ରିପାଠୀ ଯଜ୍ଞ ପରିଚାଳନା କରିଥିବା ବେଳେ ନର୍ଲାରୋଡ଼ ଗାୟତ୍ରୀ ପରିବାରର ସଦସ୍ୟ ଚକ୍ରଧର ସା, ଅଧ୍ୟାପକ ମୋହନ ପୁଟେଲ, ମେଦିନୀଧର ଯାନୀ, ଜହରଲଲ ବିଶ୍ଵାଳ , ଦାମୋଦର ମହାରଣା, ତୀର୍ଥ ବୁଦ୍ଧିଆ,ଟୁନୁ ଗଡତିଆ, ଦେବେନ୍ଦ୍ର ବିଶ୍ଵାଳ, ଗୋଲାପ ବିଶ୍ଵାଳ, ସନ୍ତୋଷ ପଣ୍ଡା, ଜ୍ଞାନ ରଥ, ସୁଦାମ ମିଶ୍ର, ମାନସ ବେହେରା, ଜୟନ୍ତ ଦାସ, ଯଦୁ ମାଝୀ, କୈଳାସ ସା ପ୍ରମୁଖ ଯଜ୍ଞ ପରିଚାଳନାରେ ସହଯୋଗ କରିଥିଲେ ।
ବାଂକେଲ ଗ୍ରାମର ଆମ୍ବ ତୋଟା ଠାରେ ଏହି ପାଞ୍ଚ କୁଣ୍ଡିୟ ଗାୟତ୍ରୀ ଯଜ୍ଞ ଅନୁଷ୍ଠିତ ହୋଇଥିବା ବେଳେ ବାଂକେଲ ଗ୍ରାମର ଆବାଳ ବୃଦ୍ଧ ବନିତା ଏଥିରେ ସାମିଲ ହୋଇଥିଲେ । ଶୁକ୍ରବାର ଓ ଶନିବାର ଦୁଇଦିନ ଧରି ଏହି ଯଜ୍ଞ ପରିଚାଳିତ ହୋଇଥିଲା । ଶୁକ୍ରବାର କଳସ ଯାତ୍ରା ଓ ଦୀପଯଜ୍ଞ ଅନୁଷ୍ଠିତ ହୋଇଥିବା ବେଳେ ଶନିବାର ସକାଳୁ ସଂଧ୍ୟାଯାଏ ମହାଯଜ୍ଞ ଅନୁଷ୍ଠିତ ହୋଇଥିଲା । ଏଥିରେ ଭଜନ, କୀର୍ତ୍ତନ ସାଙ୍ଗକୁ ସାମୁହିକ ପ୍ରସାଦ ସେବନ ଅନୁଷ୍ଠିତ ହୋଇଥିଲା ।
