ଓଡ଼ିଆ ବାର୍ତ୍ତା/ ଭୁବନେଶ୍ୱର (ନିଲେଶ କୁମାର ନାଗ): ଓଡିଶାରେ ଫୁଟବଲ ପ୍ରଶଂସକଙ୍କ ସଂଖ୍ୟା ବଢ଼ିବାରେ ଲାଗିଛି । ଭାରତକୁ ଗୌରବାନ୍ୱିତ କରିବା ପାଇଁ ଆମେ ଅକ୍ଳାନ୍ତ ପରିଶ୍ରମ କରୁଛି । ଆପଣମାନେ ସମୟ କାଢ଼ି ଷ୍ଟାଡିୟମକୁ ଆସିଲେ ଏହା ଆମର ମନୋବଳ ବଢ଼ାଇବ ବୋଲି କଳିଙ୍ଗ ଷ୍ଟାଡିୟମରେ ଚାଲିଥିବା ଇଂଟରକଂଟିନେଟାଂଲ କପ ଅବସରରେ କହିଛନ୍ତି ଭାରତର ଅଧିନାୟକ ସୁନୀଲ ଛେତ୍ରୀ । ସୋମବାର ଭାରତ ୧-୦ ଗୋଲରେ ଭାନୁଆଟକୁ ପରାସ୍ତ କରିଥିଲା । ଦଳ ପକ୍ଷରୁ ବିଜୟସୂଚକ ଗୋଲଟି ଅଧିନାୟକ ସୁନୀଲ ଛେତ୍ରୀ ସ୍କୋର କରିଥିଲେ । ଏହି ମ୍ୟାଚ ଅବସରରେ ଷ୍ଟାଡିୟମରେ ଦର୍ଶକଙ୍କ ଉପସ୍ଥିତି ନେଇ ଛେତ୍ରୀ ସନ୍ତୋଷ ବ୍ୟକ୍ତ କରିଛନ୍ତି । ତେବେ ଆଗକୁ ଆହୁରି ଅଧିକ ପ୍ରଶଂସକ ଆସନ୍ତୁ ବୋଲି ସେ ଅନୁରୋଧ କରିଛନ୍ତି । ପ୍ରଥମ ମ୍ୟାଚରେ ଭାରତ ୨-୦ ଗୋଲରେ ମଙ୍ଗୋଲିଆକୁ ପରାସ୍ତ କରିଥିଲା । ଜୁନ ୧୫ରେ ଶେଷ ଲିଗ ମ୍ୟାଚରେ ଲେବାନନକୁ ଭେଟିବ ଭାରତ । ଏହି ମ୍ୟାଚରେ ଭାରତ ପରାଜିତ ହେଲେ ମଧ୍ୟ ଜୁନ ୧୮ ଫାଇନାଲରେ ଖେଳିବ ।
