ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସର୍ବ ନିମ୍ନ ମୌଳିକ ସୁଵିଧା ରୁ ବଞ୍ଚିତ ଥିବା ଜିଲ୍ଲା ର ବିନିକା ବ୍ଲକ ଅନ୍ତର୍ଗତ ସେଲେଡି ଗ୍ରାମପଞ୍ଚାୟତର ଝରାପଡା ଗାଁ କୁ ପହଞ୍ଚିଲେ ସୁବର୍ଣ୍ଣପୁର ଜ଼ିଲ୍ଲାପାଳ ବିମଳେନ୍ଦୁ ରାୟ ଏବଂ ଏଇ ବସ୍ତିର ଲୋକ ଙ୍କ ସହିତ ସବୁ ସମସ୍ୟା ଉପରେ ଅନୁଧ୍ୟାନ ଓ ଆଲୋଚନା କରି ତୁରନ୍ତ ପଦକ୍ଷେପ ନେବାକୁ ଉପସ୍ଥିତ ବିନିକା ତହସିଲଦାର ମୁକ୍ତେଶ୍ଵର ପାଣିଗ୍ରାହୀ ଙ୍କୁ ନିର୍ଦ୍ଧେଶ କରିଥିବା ବିଷୟ ଆଜି ଓଡିଶା ସାମ୍ବାଦିକ ସଂଘର ଏକ ପ୍ରତିନିଧି ଦଳ ର ସାକ୍ଷାତରେ ପ୍ରତିକ୍ରିୟା ରଖିଥିଲେ l ଜ଼ିଲ୍ଲାପାଳ ଙ୍କ ତୁରନ୍ତ ପଦକ୍ଷେପ ଓ ଏଇ ଗାଁ ପରିଦର୍ଶନ ବିଷୟ କୁ ଅଞ୍ଚଳ ବାସୀ ଓ ଜ଼ିଲ୍ଲା ବୁଦ୍ଧିଜୀବୀ ପ୍ରଶଂସା କରିଛନ୍ତି l ସେହିପରି ଜିଲ୍ଲା ର ବିଭିନ୍ନ ପର୍ଯ୍ୟଟନ ସ୍ଥଳୀ ପାପକ୍ଷୟ ଘାଟ, ପୂଜା ଡୁଙ୍ଗୁରି, ଭୀମ ଭୋଇ ସମାଧି ପୀଠ, ମେଟାକାନି, ବାର ପାହାଡ଼, ଇଷ୍ଟ ଦେବ ଶ୍ରୀ ସୁବର୍ଣ୍ଣମେରୁ, ଶ୍ରୀ ରାମେଶ୍ୱର, ଇଷ୍ଟ ଦେବୀ ମା ସୁରେଶ୍ୱରୀ ଆଦି ଜ଼ିଲ୍ଲା ର ପ୍ରମୁଖ ମନ୍ଦିର ଉନ୍ନତି କରଣ ପାଇଁ ଟୁରିଜିମ୍ ବିଭାଗକୁ ପ୍ରସ୍ତାବ ଦିଆଯାଇଥିବା ପ୍ରକାଶ କରିଥିଲେ। ଜିଲ୍ଲା କୁ ମିଳିଥିବା ୮କୋଟି ୪୧ଲକ୍ଷ ଟଙ୍କା ରେ ବିଭିନ୍ନ ଧାର୍ମିକ ସ୍ଥଳ ଓ କମ୍ୟୁନିଟି ସେଣ୍ଟର୍ ପାଇଁ ଆସିଥିବା ଅନୁଦାନ ବିଷୟ ଏବଂ ଜ଼ିଲ୍ଲା ର ପ୍ରମୁଖ ପାତାଳି ଶ୍ରୀକ୍ଷେତ୍ର ର ଭବ୍ୟ ମନ୍ଦିର ନିର୍ମାଣ ବିଷୟ ରେ ତ୍ବରାନ୍ବିତ ପଦକ୍ଷେପ ନେବାସହ ଶିଘ୍ର ଡିପିଆର୍ ପ୍ରସ୍ତୁତ ପାଇଁ ପଦକ୍ଷେପ ନେବାକୁ ଆଲୋଚନା ହୋଇଥିଲା l ଏହା ସହିତ ବହୁ ପ୍ରାଚୀନ ବୈଦ୍ୟନାଥ ର କୋଶଳେଶ୍ୱର ଶୈବ ପୀଠର ପୁନଃରୁଦ୍ଧାର ବିଷୟ ରେ ଗୁରୁତ୍ୱ ଦେଇ ରାଜ୍ୟ ପ୍ରତ୍ନତତ୍ତ୍ୱ ବିଭାଗ ସହିତ ଆଲୋଚନା ପାଇଁ ଜ଼ିଲ୍ଲାପାଳ ଙ୍କୁ ବିଭିନ୍ନ ପ୍ରସ୍ତାବ ଦିଯାଇଥିଲା l ଏହି ପ୍ରତିନିଧି ଦଳରେ ସଂଘ ଉପଦେଷ୍ଟା ଦିଲ୍ଲୀପ ପାତ୍ର, ଜିଲ୍ଲା ଶାଖା ସଭାପତି ମନୋରଞ୍ଜନ ତ୍ରିପାଠୀ, ସଂପାଦକ ମହାଦେବ ମଲ୍ଲିକ, ରାଜ୍ୟ ସଂପାଦକ ରାଜ କିଶୋର ତ୍ରିପାଠୀ, ଭାସ୍କର ଦାଶ ପ୍ରମୁଖ ଉପସ୍ଥିତ ଥିଲେ।
