ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲାରେ ନୂତନ ବିଡ଼ିଓ ଭାବେ ଯୋଗ ଦେଇଛନ୍ତି ବିପିନ ବିହାରୀ ଦୀପ। ନର୍ଲା ବିଡ଼ିଓ ରିପୁନାଥ ସୁନା ଅତାବିରାକୁ ବଦଳି ହୋଇ ଯିବାପରେ ତାଙ୍କ ସ୍ଥାନରେ ଶ୍ରୀ ଦୀପ ନୂତନ ବିଡ଼ିଓ ଭାବେ ଯୋଗ ଦେଇଛନ୍ତି। ଏହା ପୂର୍ବରୁ ଶ୍ରୀ ଦୀପ ଡୁଙ୍ଗୁରିପାଲିରେ କାର୍ଯ୍ୟରତ ଥିଲେ। ମଙ୍ଗଳବାର ନୂତନ ବିଡ଼ିଓ ଶ୍ରୀ ଦୀପଙ୍କୁ ଓଡ଼ିଶା ସାମ୍ବାଦିକ ୟୁନିଅନ (ଓୟୁଜେ) ନର୍ଲା ଶାଖା ପକ୍ଷରୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଏଥିରେ ଓୟୁଜେର ବରିଷ୍ଠ ସାମ୍ବାଦିକ ଲିଙ୍ଗରାଜ ମିଶ୍ର, ଅଭିରାମ ନନ୍ଦ, ସୁନୀଲ କୁମାର ଧଙ୍ଗଡାମାଝୀ, ଅନୀଲ କୁମାର ଅଗ୍ରୱାଲ, ଦୀପକ ମହାନ୍ତି ଓ ରଞ୍ଜନ କୁମାର ମହାନ୍ତି ପ୍ରମୁଖ ସାମିଲ ହୋଇଥିଲେ। ଏହି ଅବସରରେ ବିଡ଼ିଓ ଶ୍ରୀ ଦୀପ ସମସ୍ତଙ୍କ ସହଯୋଗ କାମନା କରିଥିଲେ।
