ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୂଚନା ଓ ଲୋକସମ୍ପର୍କ ବିଭାଗ (ସମ୍ବଲପୁର) ଉପ-ନିର୍ଦ୍ଦେଶକ କଲ୍ୟାଣୀ ଦାଶ ଦିନିକିଆ ସୁବର୍ଣ୍ଣପୁର ଜିଲ୍ଲା ଗସ୍ତରେ ଆସି ଜିଲ୍ଲା ସୂଚନା ଓ ଲୋକସମ୍ପର୍କ କାର୍ଯ୍ୟାଳୟ ସହ ଜିଲ୍ଲା ସୂଚନା କେନ୍ଦ୍ର ତଥା ପାଠାଗାର (ଜିଲ୍ଲା ଗ୍ରନ୍ଥାଗାର) ପରିଦର୍ଶନ କରିଛନ୍ତି। ସେ ଏହି ଅବସରରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀଙ୍କ କାର୍ଯ୍ୟାଳୟରେ ଥିବା ସମସ୍ତ କାର୍ଯ୍ୟକାରିତା ଓ ତତ ସମ୍ବନ୍ଧୀୟ କାଗଜାଦ ଓ ନଥିପତ୍ର ଦେଖିବା ସହ ସେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଏବଂ କର୍ମଚାରୀ ମାନଙ୍କୁ ବିଭାଗୀୟ କାର୍ଯ୍ୟକୁ ବ୍ୟବସ୍ଥିତ ଓ ତ୍ୱରାନ୍ୱିତ କରିବା ପାଇଁ ପରାମର୍ଶ ଦେଇଥିଲେ। ଉପ-ନିର୍ଦ୍ଦେଶକ କଲ୍ୟାଣୀ ଦାଶଙ୍କ ଏହି ଦିନିକିଆ ଜିଲ୍ଲା ଗସ୍ତ ଅବସରରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇଙ୍କ ସମେତ କାର୍ଯ୍ୟାଳୟର ବରିଷ୍ଠ କିରାଣୀ ମାନଭଞ୍ଜନ ପଟ୍ଟନାୟକ, ଗ୍ରନ୍ଥାଗାରିକ ପ୍ରିୟଦର୍ଶିନୀ ଅଶୋକ ମୋହନ ଜେନା, ଶିକ୍ଷିତ ଚପରାଶି ବିନୋଦ କିଶୋର ଦାନୀ, ଚମରା ବିଶି ପ୍ରମୁଖ ଉପସ୍ଥିତ ଥିଲେ।
