ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ସାରା ଦେଶରେ ଜାନୁୟାରୀ ପହିଲାରୁ ଜାନୁୟାରୀ ୩୧ ଯାଏଁ ଜାତିୟ ସଡକ ସୁରକ୍ଷା ଦିବସ ପାଳିତ ହେଉଥିବା ବେଳେ କଳାହାଣ୍ଡି ଜିଲ୍ଲା ନର୍ଲା ଡିଗ୍ରୀ କଲେଜ ଏନଏସଏସ ତରଫରୁ ବୁଧବାର ଜାତୀୟ ସଡକ ସୁରକ୍ଷା ଦିବସ ପାଳିତ ହୋଇଯାଇଛି । ଏହି ଉପଲକ୍ଷେ କଲେଜ ପରିସରରେ ଏନଏସଏସ ଅଧିକାରୀ ପ୍ରଧ୍ୟାପକ ସୁଶାନ୍ତ ସାହୁଙ୍କ ନେତୃତ୍ୱରେ ଓ ଡିଗ୍ରୀ କଲେଜର ପ୍ରିନସିପାଲ ନାରାୟଣ ପ୍ରସାଦ ନାୟକଙ୍କ ଅଧ୍ୟକ୍ଷତାରେ ଏକ ସଚେତନତା ସଭା ଆୟୋଜିତ ହୋଇଥିଲା ।
କାର୍ଯ୍ୟକ୍ରମରେ ମୋଟର ଭାଇକିଲକିଲ ଇନ୍ସପେକ୍ଟର ମିଲି ସାହୁ, ଟ୍ରାଫିକ ଇନ୍ସପେକ୍ଟର ମିଥୁନ ପ୍ରଧାନ, ଅଧ୍ୟାପିକା ବାସନ୍ତୀ ସାହୁ, କୌଶଲ୍ୟା ଗଡବା, ଶାରିରୀକ ଶିକ୍ଷକ କ୍ଷୀତିଶ ବଗର୍ତ୍ତି ପ୍ରମୁଖ ମଞ୍ଚାସୀନ ରହି ଟ୍ରାଫିକ ନିୟମ, ଗାଡି ଚାଳନା ବିଷୟରେ ମାର୍ଗଦର୍ଶନ ଦେଇଥିଲେ । ବିଶେଷ କରି ଏମଭିଆଇ ମିଲି ସାହୁ ଗାଡି ଚଲେଇବା ସମୟରେ ହେଲମେଟ ପରିଧାନ,ସଡକ ନିୟମ ମାନିବା ମଦ୍ୟପାନ କରି ଗାଡି ଚଲେଇବା ନାହିଁ, ଗାଡି ଚାଳନା ନିମନ୍ତେ ନିଶ୍ଚିତ ଭାବରେ ଲାଇସେନ୍ସ ନେବା ବୋଲି କହିଥିଲେ । ଜୀବନ ବହୁତ ମୂଲ୍ୟବାନ ।
ଗାଡି ଗାଳନା ବେଳେ ସଡକ ନିୟମ ନମାନି ଦୁର୍ଘଟଣାର ସମ୍ମୁଖିନ ହୋଇ ବହୁମୂଲ୍ୟ ଜୀବନକୁ ନଷ୍ଟ କରିବା ନାହିଁ । ରକ୍ତଦାନ କର, ହେଲେ ସଡକ ଦୁର୍ଘଟଣାରେ ନୁହ, ଡାକ୍ତରଖାନାରେ କର ବୋଲି ଛାତ୍ରଛାତ୍ରୀଙ୍କୁ ମାର୍ଗଦର୍ଶନ ଦେଇ ସଡକ ସୁରକ୍ଷା ଉପରେ ସଚେତନତା କରିଥିଲେ । ଡ଼ିଗ୍ରୀ କଲେଜ ର ସମସ୍ତ କର୍ମଚାରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଶେଷରେ ଏନଏସଏସ ଅଧିକାରୀ ଶ୍ରୀ ସାହୁ ଧନ୍ୟବାଦ ଅର୍ପଣ କରିଥିଲେ ।
