ଓଡ଼ିଆ ବାର୍ତ୍ତା/ ଟିଟିଲାଗଡ଼: ଆଜି ଚଳିତବର୍ଷ ଶ୍ରାବଣ ମାସର ପ୍ରଥମ ସୋମବାର ହୋଇଥିବାରୁ ରାଜ୍ୟର ଶୈବପୀଠ ମାନଙ୍କରେ ଭକ୍ତ ଓ ଶ୍ରଦ୍ଧାଳୁମାନଙ୍କ ସମାଗମ ଲାଗି ରହିଥିଲା। ସେହି କ୍ରମରେ ଟିଟିଲାଗଡ଼ର ଧବଳେଶ୍ବର ମନ୍ଦିରରେ ଜଳାଭିଷେକ କରିଥିଲେ ଶହଶ୍ରାଧିକ ଭକ୍ତ। ବାବା ଧବଳେଶ୍ବରଙ୍କୁ ଦର୍ଶନ ପାଇଁ ଆସୁଥିବା ଭକ୍ତଙ୍କ ପାଇଁ ଟିଟିଲାଗଡ଼ ବିଧାୟକ ନବୀନ ଜୈନ ଓ ପୌରାଧ୍ୟକ୍ଷା ମମତା ଦେବୀ ଜୈନଙ୍କ ତରଫରୁ ମାସ ତମାମ ପ୍ରସାଦ ସେବାର ବ୍ୟବସ୍ଥା କରାଯାଇଛି। ଆଜି ପ୍ରଥମ ସୋମବାରରେ ବିଧାୟକ ନବୀନ ଜୈନ ଓ ପୌରାଧ୍ୟକ୍ଷା ମମତା ଦେବୀ ଜୈନ ତାଙ୍କ ୩୧ତମ ବିବାହ ବାର୍ଷିକୀ ଉପଲକ୍ଷେ ନିଜେ ପ୍ରସାଦ ବଣ୍ଟନ କରିଥିଲେ। ଆଜିର କାର୍ଯ୍ୟକ୍ରମରେ ଯୁବ ସମାଜସେବୀ ବିଜୟ ମେହେର, ପିଙ୍କୁ ସାହୁ, ପବିତ୍ର ସାହୁ, ନବୀନ ମେହେର, ଅଶ୍ୱିନୀ ବେହେରା ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।
