ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): କୋକସରା ଥାନା ଅନ୍ତର୍ଗତ ସୁନାମାଳ ଗ୍ରାମର ନାବାଳିକା ଗତ ମାସ ୧୯/୦୬/୨୦୨୫ ଦିନ ସଂନ୍ଧ୍ୟାରୁ ନିଖୋଜ ହୋଇ ଯାଇଥିଲେ। ପରିବାର ଲୋକେ ବହୁ ଖୋଜା ଖୋଜି ପରେ ନ ପାଇବାରୁ କୋକସରା ଥାନାରେ ଲିଖିତ ଅଭିଯୋଗ କରିଥିଲେ। ହେଲେ ଳପୋଲିସ ନାବାଳିକାକୁ ଖୋଜିବାରେ ବିଫଳ ହୋଇଥିଲା। ଦୀର୍ଘ ୨୯ ଦିନ ପରେ ଉକ୍ତ ନାବାଳିକା ଜୁଲାଇ ୧୯,୨୦୨୫ ରିଖ କୋକସରା ଥାନାକୁ ଆସିଥିଲା। ନାବାଳିକାକୁ କାଉନସିଲିନ ପାଇଁ କୋକସରା ପୋଲିସ,କଳାହାଣ୍ଡି ଶିଶୁ ମଙ୍ଗଳ ସମିତିଙ୍କ ସହାୟତାରେ ଭବାନୀପାଟଣାର ଶମ୍ଭୁନଗରପଡା ସ୍ଥିତ ମୁକ୍ତ ଆବାସକୁ ସ୍ଥାନାନ୍ତର କରାଯାଇଥିଲା l ଖବର ପାଇ ଉତ୍କଳ ଯାଦବ ମହାସଭା ରାଜ୍ୟ ମହିଳା ସଭାନେତ୍ରୀ ସଂଯୁକ୍ତା ବେହେରା, କଳାହାଣ୍ଡି ଜିଲ୍ଲା ଯାଦବ ସମାଜର କର୍ମକର୍ତ୍ତା ଡାକେ ଲହଜଳ, ଜଗଦିଶ ଯାଦବ, ଯୁବ ସମାଜସେବୀ ପିତବାସ ବେହେରା, ଲବଣୀ ରାଉତ, ସୁନାମାଲ ଗ୍ରାମବାସୀ, କୋକସରା ଯାଦବ ସମାଜର କର୍ମକର୍ତ୍ତା ସମେତ ନାବାଳିକାର ବାପା-ମା କଳାହାଣ୍ଡି ଜିଲ୍ଲା ଆରକ୍ଷୀ ଅଧିକାରୀଙ୍କ କାର୍ଯ୍ୟାଳୟକୁ ଯାଇ ଉପଯୁକ୍ତ ନ୍ୟାୟ ଦାବି କରିଥିଲେ୍। ନାବାଳିକା ଳର ଶାରୀରିକ ଅସୁସ୍ଥତା ହେତୁ ବାପା-ମାଁ, ସଂଯୁକ୍ତା ବେହେରା,ସପିତବାସ ବେହେରା ଓ ତୁଳମଣି ନାଗଙ୍କ ସହଯୋଗ ରେ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରି ଚିକିତ୍ସା କରାଇଥିଲେ। ସ୍ବାସ୍ଥ୍ୟବସ୍ଥାରେ ସୁଧାର ଆସିବା ପରେ ନାବାଳିକା ସମସ୍ତ ତଥ୍ୟ ଓ ଘଟଣା ସହ ଗତ ୨୭/୭/୨୦୨୫ ସନ୍ଧ୍ୟାରେ କୋକସରା ଥାନାର ଦ୍ୱାରସ୍ଥ ହୋଇଥିଲେ। ସୂଚନା ଯୋଗ୍ୟ ଯେ ସୁନାମାଲ ଗ୍ରାମର ବସନ୍ତ ମାଝୀ(୩୬) ଓ ଡଙ୍ଗରିଗୁଡା ଗ୍ରାମର ବସନ୍ତ କେତକୀ(୪୦) ଗତ ୧୯ ଜୁନ ୨୦୨୫ ରିଖ ଦିନ କୌଶଳ କ୍ରମେ ଜୈନିକ ନାବାଳିକାକୁ ଅପହରଣ କରିଥିଲେ ଓ ଡଙ୍ଗରିଗୁଡା ଗ୍ରାମର ବସନ୍ତ କେତକୀଙ୍କ ଘରକୁ ନେଇ ତିନି ଦିନ ଧରି ଦୁଷ୍କର୍ମ ସହ ଶାରୀରିକ, ମାନସିକ ଓ ଯୌନ ନିର୍ଯାତନା ଦେଇଥିଲେ। ପରବର୍ତ୍ତେ ଅପହରଣକାରୀ ନାବାଳିକାକୁ କୋରାପୁଟ ଜିଲ୍ଲା ଲକ୍ଷ୍ମୀପୁରକୁ ନେଇ ଦୀର୍ଘ ଦିନ ଧରି ଯୌନ ନିର୍ଯାତନା ଦେଇଥିଲେ। କୌଣସି ମତେ ନାବାଳିକା ଖସି ଆସିବାରେ ସଫଳ ହୋଇ କୋକସରା ଥାନାକୁ ପହଞ୍ଚିଥିଲେ। ପୀଡିତାଙ୍କୁ ନ୍ୟାୟ ପ୍ରଦାନ ଓ ଦୁଷ୍କର୍ମକାରୀ ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବିକରି,ନ୍ୟାୟ ଦେବାରେ ଅବହେଳା କରାଗଲେ ରାଜରାସ୍ତାକୁ ଓଲ୍ଲାଇ ତୀବ୍ର ଆନ୍ଦୋଳନ କରାଯିବ ବୋଲି ସୂଚନା ଦେଇଛନ୍ତି ସୁନାମାଲ ଗ୍ରାମବାସୀ ଓ ଯାଦବ ସମାଜ। ନାବାଳିକାର ଅଭିଯୋଗକୁ ଆଧାର କରି କୋକସରା ପୋଲିସ ଏକ ମାମଲା ରୁଜୁ ସହ ଡାକ୍ତରୀ ମାଇନା କରି ଗତ ୩୦/୭/୨୦୨୫ ଅପରାହ୍ନ ରେ କଳାହାଣ୍ଡି ଜିଲ୍ଲା ଅତିରିକ୍ତ ଜିଲ୍ଲା ଏବଂ ଅଧିବେଶନ ବିଚାରପତି, ଶିଶୁ ଯୌନ ଶୋଷଣ (ପସ୍କୋ) ଙ୍କ ସମ୍ମୁଖରେ ପୀଡିତା ର ବୟାନ ରେକର୍ଡ କରି ଫେରାର ଅଭିଯୁକ୍ତ ଙ୍କୁ 137 (2) 115(2)/296/64 (2 (m)/65(1) /70/351(2)BNS, RW Sec 06 Pocso Act ଦଫା ଲଗାଇ ଗିରଫ ପାଇଁ ପୋଲିସ ସନ୍ଧାନ ସହିତ ତଦନ୍ତ ଜାରି ରଖିଛନ୍ତି।
