ଓଡିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ ଅଧିନସ୍ଥ ପିପଲପଦର ଠାରେ ରବିବାର ରାତି ୭.୩୦ ସମୟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ଉକ୍ତ ଗ୍ରାମର ମକର ନାଏକ (୪୦) ନାମକ ଜଣେ ବ୍ୟକ୍ତି ମୃତ୍ୟୁ ବରଣ କରିଥିବା ଜଣାପଡିଛି। ଖବରରୁ ଜଣା ପଡିଛି ମୃତ ମକର ରାସ୍ତାରେ ଚାଲି ଚାଲି ଘରକୁ ଯାଉଥିବା ବେଳେ ନର୍ଲା ପଟୁ ଯାଉଥିବା ହାଇଡ୍ରା ମଡ଼େଇ ଦେବାରୁ ଘଟଣା ସ୍ଥଳରେ ବ୍ୟକ୍ତି ଜଣକ ମୃତ୍ୟୁ ବରଣ କରିଥିବା ଜଣା ପଡିଛି। ପରିବାର ଓ ଗ୍ରାମବାସୀ ଶବ ରଖି କ୍ଷତି ପୂରଣ ଦାବି ନେଇ ରାସ୍ତା ଅବରୋଧ କରିଥିବା ଜଣା ପଡିଛି। ନର୍ଲା ପୋଲିସ ଘଟଣା ସ୍ଥଳରେ ପହଞ୍ଚି ହାଇଡ୍ରାକୁ ଜବତ କରିବା ସହ ତଦନ୍ତ ଜାରି ରଖି ଆଇନ ଶୃଙ୍ଖଳା ନିୟନ୍ତ୍ରଣ କରୁଥିବା ଜଣା ପଡିଛି।
