ଟେମରି, (ଜଗଜ୍ଜିବନ ସା): କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଅନ୍ତର୍ଗତ ଟେମରି ରଥଯାତ୍ରା କ୍ଳବ ଠାରେ ୨୨ତମ ମାଣବସା ଲକ୍ଷ୍ମୀ ପୂଜା ଅନୁଷ୍ଠିତ ହୋଇଯାଇଛି। ଗତ ବୁଧବାର ଦିନ ସନ୍ଧ୍ୟା ୫ଟାରେ ଗାଁର ମହିଳାମାନଙ୍କୁ ନେଇ କଳସ ଯାତ୍ରା କରାଯାଇ ମୃଣୀୟ ମୂର୍ତ୍ତିଙ୍କ ପ୍ରାଣ ପ୍ରତିଷ୍ଠା ସହ ଲକ୍ଷ୍ମୀ ପୂଜା ଆୟୋଜିତ ହୋଇଥିଲା।ଏଥିରେ ଲୋଭାକର ନାଏକ ଓ ତାଙ୍କ ଧର୍ମପତ୍ନୀ ନିଲାବତି ନାଏକ କର୍ତ୍ତା ଭାବରେ କାର୍ଯ୍ୟ ତୁଳାଉଥିବା ବେଳେ ପୂଜକ ଭାବରେ ସଂଜିପ କୁମାର ଖମାରୀ ପୂଜା କାର୍ଯ୍ୟ ସମ୍ପାଦନା କରିଥିଲେ।
ଏହି ପୂଜାରେ ଗୁପ୍ତେଶ୍ୱର ପଟେଲ (ସଭାପତି) , ପିତାମ୍ବର ପଟେଲ (ସମ୍ପାଦକ),ଗଜାନନ ନାଏକ ( କୋଷାଧ୍ୟକ୍ଷ ), ପୁରୁଷୋତ୍ତମ ପଟେଲ, ସୁଧୀର ଭୋଇ, ନନ୍ଦ ବଗର୍ତ୍ତି, ଯୋଗେଶ ସୁନାନି, କୁନା ବାଗ ପୂଜା କମିଟି ପରିଚାଳନା କରି ଥିବାବେଳେ ଗ୍ରାମବାସୀ ସହଯୋଗ କରିଥିଲେ। ୩ଦିନ ଧରି ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ଓ ଭଜନ ସଙ୍କୀର୍ତ୍ତନ ଚାଲୁ ରହିଛି।
