✍🏾ଡା. ଇପ୍ସିତା ପ୍ରଧାନ
ଏଥର ଫେରିଲେ କିଣା ହେବ…..
ବାପାଙ୍କ ପାଇଁ, ଗୋଟେ ମୋଟା ଓଭର କୋଟ୍
ବୋଉ ଆଖିକୁ ଚଷମା;
ଆଉ ବି,
ଭଣଜା ପାଇଁ ଗୋଟେ ରିମୋଟ କାର୍,
ଭାଣିଜି ପାଇଁ ଗୋଟେ ଟେଡି-ବିଅର୍,
ଆଉ ତା’ ପାଇଁ, ଗୋଟେ ବ୍ରେସଲେଟ୍ ।
ଫେରିଲେ…..
ଗାଡିଟା ଯିବ ସ୍କ୍ରାଚ୍ ମରାମତି ପାଇଁ,
ପଛପାଖ ଭଙ୍ଗା ଝରକାରେ ଯୋଡାହେବ କାଚ,
ଉପର ମହଲା ସଫା କରି, ଖୋଜା ହେବ ଭଡାଟିଆ,
ନା, ସିଲି° ମରାମତି ପାଇଁ ଅଣ୍ଟିବନି ପାଣ୍ଠି ।
ଫେରିଲେ……
ଭେଟବି ସେଇ ପୁରୁଣା ସାଙ୍ଗକୁ,
ହୋ-ହଲ୍ଲା ଆଉ ରଙ୍ଗୀନ ହେବ ଗୋଟେ-ଯୋଡେ ସନ୍ଧ୍ୟା,
ପୁଣି ମହକିବ ମସ୍କଭା କୂଳରେ ସନ୍ଧ୍ୟା,
ବିଅର ଆଉ ତା’ ଦେହର ବାସ୍ନାରେ!
ଫେରିଲେ…..
ଫେରିଲେ…….।।
(କାୟିଭ୍ ରେ ଘରକୁ ଫେରିବାକୁ ଅପେକ୍ଷା କରିଥିବା ସୈନିକଙ୍କ ପାଇଁ)
ଭୁବନେଶ୍ୱର
୮୦୧୮୦୫୩୩୯୫
