କଳାହାଣ୍ଡି,୧୩/୪ : ମ.ରାମପୁର ସ୍ଥିତ ଶ୍ରୀରାମକୃଷ୍ଣ ଆଶ୍ରମ ଦ୍ୱାରା ପରିଚାଳିତ ବିବେକାନନ୍ଦ ପବ୍ଲିକ ସ୍କୁଲର ବାର୍ଷିକତ୍ତଉତ୍ସବ ଆଶ୍ରମର ସଂପାଦକ ସ୍ୱାମୀ ବୈରାଗ୍ୟାନନ୍ଦଜୀ ମହାରାଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେଇଥିବାବେଳେ ଏଥିରେ ଅତିଥିମାନେ ସମାଜ ପରିବର୍ତ୍ତନରେ ଶିକ୍ଷା ହିଁ ମୂଳମନ୍ତ୍ର ବୋଲି ପ୍ରକଶ କରିଥିଲେ । ମୁଖ୍ୟ ଅତିଥିଭାବରେ ଅବସରପ୍ରାପ୍ତ ଅଧ୍ୟକ୍ଷ ମ.ରାମପୁର ମହାବିଦ୍ୟାଳୟ ବୁଧେନ୍ଦ୍ର ପ୍ରତାପ ସିଂହଦେଓ, ମୁଖ୍ୟବକ୍ତା ଭାବରେ ବରିଷ୍ଠ ଆଇନଜୀବି ସୁବାସ ଚନ୍ଦ୍ର ଆଚାର୍ଯ୍ୟ ଯୋଗଦେଇଥିବାବେଳେ ବିଦ୍ୟାଳୟର ଅଧ୍ୟକ୍ଷ ସୁରେନ୍ଦ୍ର ମହାଖୁଡ଼ ମଂଚାସୀନ ରହିଥିଲେ । ମଂଚ ପରିଚାଳନା କରିଥିଲେ ଶିକ୍ଷକ ଦିଲୀପ କୁମାର ତ୍ରିପାଠୀ । ଏହି ଅବସରରେ ବିଭିନ୍ନ ସ୍ତରରେ ହେଇଥିବା ପ୍ରତିଯୋଗୀତାର କୃତୀ ପ୍ରତିଯୋଗୀଙ୍କୁ ଅତିଥିମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା । ଆଶ୍ରମର ସନ୍ୟାସୀ ସ୍ୱାମୀ ଶୁକଦେବ,ସ୍ୱାମୀ ଅଶୋକାନନ୍ଦ, ମୁରଲୀ ମହାରାଜ, ଗୋବିନ୍ଦ ପ୍ରସାଦ ମହାନ୍ତି, ଦୀପ୍ତିରଂଜନ ସାହୁ ପ୍ରମୁଖ କାର୍ଯ୍ୟକ୍ରମରେ ନେତୃତ୍ୱ ନେଇଥିଲେ । ସଭା ପରେ ଛାତ୍ରଛାଚ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା । ଏହି କାର୍ଯ୍ୟକ୍ରମ ପରିଚାଳନାରେ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ,ଆଶ୍ରମର ଅନ୍ତେବାସୀ ସହଯୋଗ କରିଥିଲେ ।