ରାୟଗଡ /କଲ୍ୟାଣସିଂହପୁର /୭/୫ : ରାୟଗଡ ଜିଲ୍ଳା କଲ୍ୟାଣସିଂହପୁର ବ୍ଳକ ସଦର ମହକୁମାସ୍ଥିତ ଶ୍ରୀ ଜଗନ୍ନାଥ ମନ୍ଦିରର ଅଷ୍ଟମ ବାର୍ଷିକ ପ୍ରତିଷ୍ଠା ଉତ୍ସବ ସହ ପବିତ୍ର ଅକ୍ଷୟ ତୃତୀୟା ମହାଆଡମ୍ବରରେ ପାଳିତ ହୋଇଯାଇଛି । ଏହି ଅବସରରେ ମନ୍ଦିର ପରିଚାଳନା କମିଟି ପକ୍ଷରୁ ରୀତିନୀତି ଅନୁଯାୟୀ ମନ୍ଦିରରେ ପୂଜାପାଠ ସହ ହୋମଯଞ କରାଯିବା ପରେ ରଥଖଳା ଠାରେ ଅଖପୂଜା ମଧ୍ୟ କରାଯାଇଥିଲା ।

ମଙ୍ଗଳବାର ସକାଳ ସମୟରେ ନୂତନ କାଠଗଣ୍ଡି ଆଣି ରଥ ଖଳାରେ ରଖି ଶ୍ରୀମନ୍ଦିର ଠାରୁ ଆଞାମାଳ ନେଇ ପୂଜକ ନରସିଂହ ତ୍ରିପାଠୀ ରୀତିନୀତି ଅନୁସାରେ ପୂଜାପାଠ କରିଥିଲେ । ମନ୍ଦିର ପ୍ରତିଷ୍ଠା ଉତ୍ସବରେ ମନ୍ଦିର ପରିଚାଳନା କମିଟି ପକ୍ଷରୁ ୧୫୦୦ଭକ୍ତଙ୍କୁ ଅନ୍ନପ୍ରସାଦ ବଂଟନ କରାଯାଇଥିଲା ।