ସାରା ଦୁନିଆ ଦେଖିଲା ସୁପର ବ୍ଲୁ ମୁନର ବିରଳ ଦୃଶ୍ୟ

ପୂର୍ଣ୍ଣମା ଦିନ ଚନ୍ଦ୍ର ଯଦି ପୃଥିବୀର ନିକଟବର୍ତି ହୋଇଥାଏ, ତେଣୁ ଅନ୍ୟ ପୂର୍ଣ୍ଣିମା ଅପେକ୍ଷା ଚନ୍ଦ୍ର ବଡ଼ ଦେଖାଯାଏ  । ହେଲେ ସୁପର ମୁନ ସାଧାରଣ ମୁନଠାରୁ ୧୬ ପ୍ରତିଶତ ଅଧିକ ଉଜ୍ଜ୍ୱଳ ଦେଖା ଯାଇଥାଏ । ହେଲେ ୩୦ ଅଗଷ୍ଟର ଜହ୍ନ ସୁପରମୁନ ବି ଥିଲା,ତା ସହ ବ୍ଲୁ ମୁନ ବି । ତେଣୁ ଏହାକୁ ସୁପର ବ୍ଲୁ ମୁନ କୁହାଯାଇଛି । ସାଧାରଣତଃ ପୂ୍ର୍ଣ୍ଣିମା ମାସରେ ଥରେ ଦେଖା ଯାଇଥାଏ ।

ହେଲେ ଯେତେବେଳେ ବ୍ଲୁ ମୁନ ହେବ ସେତେବେଳେ ମାସରେ ୨ ଦିନ ପୂର୍ଣ୍ଣିମା ପଡିବ । ଏଥର ଅଗଷ୍ଟ ୧ ତାରିଖରେ ପୂର୍ଣ୍ଣମୀ ପଡ଼ିଥିବା ବେଳେ ଅଗଷ୍ଟ ୩୦ରେ ପୁଣି ପୂର୍ଣ୍ଣମୀ ପଡିଛି । ସୁପର ମୁନ୍ ଓ ବ୍ଲୁ-ମୁନ୍ ସାଧାରଣତଃ ଏକ ସମୟରେ ହୋଇନଥାଏ । ଆଜି ଏହି ବିରଳ ସଂଯୋଗ ଘଟିଛି । ଗୋଟିଏ ପୂର୍ଣ୍ଣିମା ୨୯.୫ ଦିନ ପରେ ଆସିଥାଏ । ବର୍ଷକ ୧୨ ମାସରେ ୧୨ଟି ପୂର୍ଣ୍ଣିମା ତ ପଡେ । ହେଲେ ୧୨ ପୂର୍ଣ୍ଣିମା ୩୫୪ ଦିନରେ ପୂର୍ଣ୍ଣ ହୋଇଥାଏ ।

ନାସାର କହିବା ଅନୁଯାୟୀ,  ଚନ୍ଦ୍ରରେ ପ୍ରତି ୧୦ ବର୍ଷରେ ଥରେ ବ୍ଲୁ ସୁପରମୁନ ଦେଖା ଦେଇଥାଏ । ଅନେକ ସମୟରେ ୨୦ ବର୍ଷରେ ବି ଥରେ ଦେଖା ଦେଇଥାଏ ।   ୨୦୩୭ରେ ପରବର୍ତି ସୁପର ବ୍ଲୁ ମୁନ୍ ପଡ଼ିବ ବୋଲି କୁହାଯାଉଛି ।