ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): ଚଳିତ ସାଧାରଣ ନିର୍ବାଚନକୁ ଆଖି ଆଗରେ ରଖି ଶାନ୍ତିଶୃଙ୍ଖଳା ଓ ଅବାଧ ନିରପେକ୍ଷ ନିର୍ବାଚନ ଲାଗି ଶୁକ୍ରବାର କୋକସରା ବ୍ଲକ ଆମପାଣି ଥାନା ପୁଲିସ ପକ୍ଷରୁ କାଉଡୋଲାଠାରେ ଫ୍ଳାଗ୍ ମାର୍ଚ୍ଚ ଅନୁଷ୍ଠିତ ହୋଇଛି। ଜିଲ୍ଲା ପ୍ରଶାସନର ନିର୍ଦ୍ଦେଶକ କ୍ରମେ ଆମପାଣି ଥାନା ଅଧିକାରୀ ଗଙ୍ଗାଧର ମେହେରଙ୍କ ନେତୃତ୍ବରେ ପୁଲିସ କର୍ମଚାରୀ ଓ ସିଆରପିଏଫ ଯବାନ ମାନେ କାଉଡୋଲା ହାଇସ୍କୁଲଠାରୁ ବାହାରି ଗାଁ ପରିକ୍ରମା ସହ ଫ୍ଳାଗ୍ ମାର୍ଚ୍ଚ କରି ସଚେତନତା କରାଯାଇଥିଲା। ଏହି କାର୍ଯ୍ୟକ୍ରମରେ ଏସ୍ଆଇ ମନୋଜ କୁମାର ନାଏକ, ଗୌରୀ ଜାନୀ ସମେତ ସିଆରପିଏଫ ଯବାନ ମାନେ ଓ ପୁଲିସ କର୍ମଚାରୀ ମାନେ ସାମିଲ ହୋଇଥିଲେ।
