ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ) : କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (ସିବିଏସ୍ଇ) ପରିଚାଳିତ ଦଶମ ଏବଂ ଦ୍ୱାଦଶ ଶ୍ରେଣୀର ପରୀକ୍ଷା ଫଳ ପ୍ରକାଶ ପାଇଛି । କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ୍ ମଦନପୁର ସ୍ଥିତ ଓଡିଶା ଆଦର୍ଶ ବିଦ୍ୟାଳୟ ପାଇଁ ଗୌରବ ଆଣିଛନ୍ତି ଦ୍ଵାଦଶ ଶ୍ରେଣୀର ତିନିଜଣ ଛାତ୍ର ଛାତ୍ରୀ । ଚଳିତବର୍ଷ ଦ୍ଵାଦଶ ଶ୍ରେଣୀରେ ମଦନପୁର ଆଦର୍ଶ ବିଦ୍ୟାଳୟର ଦୀପିକା ଧଙ୍ଗଡା ମାଝୀ (୪୭୩/୫୦୦, ୯୪.୬%) କାର୍ତ୍ତିକା ସ୍ବାଇଁ ( ୪୬୫/୫୦୦,୯୩.୦୦%) ଓ ଅଂଶୁମାନ ବିଶ୍ଵାଳ (୪୬୪/୫୦୦,୯୨.୯୮%) ରଖି ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ରଖି କୃତିତ୍ୱ ହାସଲ କରିଛନ୍ତି । ଏହିି ସଫଳତା ପାଇଁ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ବିଦ୍ୟାଳୟ କର୍ତ୍ତୃପକ୍ଷ ଓ ପରିବାର ଲୋକଙ୍କୁ ସମସ୍ତ ଶ୍ରେୟ ଦେଇଥିବା ବେଳେ କୃତୀ ଛାତ୍ର ଛାତ୍ରୀଙ୍କୁ ସଫଳତା ପାଇଁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି ।
