ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ଗୋଷ୍ଠୀ ଶିକ୍ଷା ବିଭାଗ ଅଧୀନରେ ଥିବା ଦର୍ଲିପଡା କ୍ଳଷ୍ଟରର ସିଆରସିସି ସୁବାଷ ଚନ୍ଦ୍ର ବାଗଙ୍କୁ ଶନିବାର ବିଦାୟ କଳୀନ ସମ୍ବର୍ଦ୍ଧନା ଦିଆଯାଇଛି। ଶ୍ରୀ ବାଗଙ୍କ ସିଆରସିସି ଅବଧି ସମ୍ପର୍ଣ୍ଣ ହୋଇଛି। ଏହି କ୍ରମରେ ଦର୍ଲିପଡା ଆଞ୍ଚଳିକ ସାଧନ କେନ୍ଦ୍ରଠାରେ ଶିକ୍ଷକ ଲିଙ୍ଗରାଜ ନାଏକଙ୍କ ସଭାପତିତ୍ବରେ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ଶିକ୍ଷକ ବୀର କିଶୋର ନାଗ, ମୁଖ୍ୟ ବକ୍ତା ଭାବେ ଉପେନ୍ଦ୍ର ସାହୁ ଯୋଗଦେଇ ବିଦାୟୀ ସିଆରସିସି ଜଣେ କର୍ତ୍ତବ୍ୟନିଷ୍ଠା ଓ ସମୟାନୁବର୍ତ୍ତିତା ଥିଲେ ବୋଲି ମତବ୍ୟକ୍ତ କରିଥିଲା।
ଏହି ଅବସରରେ ବିଦାୟୀ ସିଆରସିସି ସୁବାଷ ଚନ୍ଦ୍ର ବାଗଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦିଆଯାଇ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଶିକ୍ଷକ ଅଜିତ କୁମାର ସାହୁ ସଭା ସଂଯୋଜନା କରିଥିବାବେଳେ ଶରତ ପୁଝାରୀ ଧନ୍ୟବାଦ ଅର୍ପଣ କରିଥିଲେ। ଶିକ୍ଷକ ପ୍ରଭାକର ସାହୁ, କପିଳ ଚନ୍ଦ୍ର ଶବର, ରଞ୍ଜିତ ଖମାରୀ, ପ୍ରସନ୍ନ ଦଳପତି, ଧନେଶ୍ଵର ପୂଜାରୀ, ତ୍ରିଲୋଚନ ଧଙ୍ଗଡାମାଝୀ, ବାସୁଦେବ ରୋଥି, କମଲ ଲୋଚନ ଖମାରୀ, ଆଲୋକ ମହାଳିକ, ହେମରାଜ ନାଗ, ତ୍ରିଲୋଚନ ନାଏକ, ସଂଗ୍ରାମ କେଶରୀ ସାମଲ ସମେତ ଦର୍ଲିପଡା କ୍ଳଷ୍ଟରର ବିଭିନ୍ନ ବିଦ୍ୟାଳୟର ଶିିକ୍ଷକ ଶିକ୍ଷୟତ୍ରୀମାନେ ଯୋଗଦେଇଥିଲେ।
