ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): ଲଗାଣ ବର୍ଷା ଯୋଗୁଁ କୋକସରା ବ୍ଲକ ବଡ଼ପୋଡ଼ାଗୁଡ଼ା ଗ୍ରାମର ମୁଖ୍ୟ ରାସ୍ତାରେ ମଙ୍ଗଳବାର ରାତିରେ ଏକ ବିରାଟକାୟ ଗଛ ପଡି ରାସ୍ତା ଅବରୋଧ ହୋଇଥିଲା। ଫଳରେ ଏହି ରାସ୍ତାରେ ଯିବାଆସିବା ବାଧାପ୍ରାପ୍ତ ହୋଇଥିଲା। ଏହା ସହ ଗଛଟି ବିଦ୍ୟୁତ୍ ତାରରେ ପଡି ଥିବାବେଳେ ବିଦ୍ୟୁତ୍ ସରବରାହ ମଧ୍ୟ ଠପ ହୋଇଥିଲା। ଖବର ପାଇ ଘଟଣା ସ୍ଥଳରେ କୋକସରା ଅଗ୍ନିଶମ ବିଭାଗ ଓ ବିଦ୍ୟୁତ୍ କର୍ମଚାରୀ ମାନେ ପହଞ୍ଚି ଥିଲେ।
ଅଗ୍ନିଶମ ଅଧିକାରୀ ପ୍ରଶାନ୍ତ କୁମାର ବାଗଙ୍କ ନେତୃତ୍ବରେ କର୍ମଚାରୀ ସୁନୀଲ ରଞ୍ଜନ ବରାଲ, ହେମନ୍ତ ନାଏକ, ଶ୍ୟାମଲାଲ ଗଣ୍ଡ, ଲଲିତ ପୁଟେଲ ପ୍ରମୁଖ ଗଛ କାଟି ରାସ୍ତାରୁ ହଠାଇବା ପରେ ଯାତାୟତ ସ୍ବାଭାବିକ ହୋଇଥିଲା।
