କଳାହାଣ୍ଡି,୨/୧୨:
ଜବାହାର ନବୋଦୟ ବିଦ୍ୟାଳୟ ନର୍ଲା ଠାରେ ଆଲୁମିନା ମିଟ୍ ୨୦୧୮ ଆୟୋଜିତ ହୋଇଛି । ନର୍ଲା ନବୋଦୟ ଆଲୁମିନା ଆସୋସିଏସନ ଦ୍ବାରା ଆୟୋଜିତ ଏହି ସମାରୋହ ଅବସରରେ ବିଭିନ୍ନ କାର୍ଯ୍ୟକ୍ରମର ଆୟୋଜନ କରାଯାଇଛି । ଏହି ଉପଳକ୍ଷେ ଆୟୋଜିତ ରକ୍ତଦାନ ସିବିରକୁ ନର୍ଲା ନବୋଦୟ ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷା ବି. ସୀତାଲକ୍ଷ୍ମୀ ଉଦଘାଟନ କରିଥିଲେ । ପ୍ରଥମ ଅଧିବେସନରେ ନବୋଦୟ ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷାଙ୍କ ସହ ପୁରାତନ ଛାତ୍ର ସଂସଦର ବୈଠକ ଅନୁଷ୍ଠିତ ହୋଇଥିଲା । ଆଲୁମିନା ଆସୋସିଏସନର ସମ୍ପାଦକ ଭବନୀ ଶଙ୍କର ପଣ୍ଡା ବାର୍ଷିକ ବିବରଣି ପଠନ କରିଥିଲେ । ସଭାପତି କେଦାର ଖମାରି ତାଙ୍କ ଅଭିଭାଷଣରେ ଏହି ବିଦ୍ୟାଳୟର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ ।
ନବୋଦୟ ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷା ତାଙ୍କ ଅଭିଭାଷଣରେ ବିଦ୍ୟାଳୟର ସର୍ବାଙ୍ଗିନ ବିକାଶ ଉପରେ ମତବ୍ୟକ୍ତ କରିବାସହ ଆଲୁମିନା ଆସୋସିଏସନର କାର୍ଯ୍ୟଧାରାକୁ ପ୍ରଶଂସା କରିଥିଲେ । ଏହାପରେ ଆସୋସିଏସନର ସାଧାରଣ ସଭା ଅନୁଷ୍ଠିତ ହୋଇଥିଲା । ଏଥିରେ ଗତବର୍ଷର କାର୍ଯ୍ୟଧାରା ଓ ଆଗାମି ବର୍ଷ ପାଇଁ ଯୋଜନାର ରୁପରେଖ ବିଷୟରେ ଆଲୋଚନା କରାଯାଇଥିଲା । ବିଦ୍ୟାଳୟର ଉନ୍ନତି ପାଇଁ ପୂର୍ବତନ ଛାତ୍ରମାନେ ପରାମର୍ଶ ଦେଇଥିଲେ ।ଅପରାହ୍ନ ୪ଟାରେ ବିଦ୍ୟାଳୟର ଅଧ୍ୟୟନରତ ଛାତ୍ରଛାତ୍ରୀ ମାନଙ୍କ ସହ ଆଲୁମିନା ଆସୋସିଏସନର ସଭା ଅନୁଷ୍ଠିତ ହେଉଛି । ଏଥିରେ କଳାହାଣ୍ଡି ଏସପି , କଳାହାଣ୍ଡି ଏଡିଏମ୍ , କଳାହାଣ୍ଡି ଡିଏପ୍ଓ ଓ ବର୍ତମାନର ଭାରପ୍ରାପ୍ତ ଅଧ୍ୟକ୍ଷା ପ୍ରମୂଖ ଅତିଥି ଭାବେ ଯୋଗ ଦେଇଛନ୍ତି । ସଂଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ସହ ସମାରୋହର ଉଦଜାପନ ହେବ ବୋଲି ମିଡିଆ ସଂଯୋଜକ ଲକ୍ଷ୍ମୀନାରାୟଣ ପଣ୍ଡା ସୂଚନା ଦେଇଛନ୍ତି ।
