ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୋନପୁର ସଦର ଆଦର୍ଶ ସ୍ନାତକ ମହାବିଦ୍ୟାଳୟରେ ସମ୍ବିଧାନ ଦିବସ ପାଳିତ ହୋଇଯାଇଛି। ଭାରପ୍ରାପ୍ତ ଅଧ୍ୟକ୍ଷ ଦେବାଶିଷ ମହାନ୍ତିଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ଅଧ୍ୟକ୍ଷ ସମ୍ବିଧାନର ଗୁରୁତ୍ୱ ବିଷୟରେ ଆଲୋକପାତ କରିଥିଲେ। ରାଜନୀତି ବିଜ୍ଞାନ ବିଭାଗ ର ଅଧ୍ୟାପକ ସିଦ୍ଧାର୍ଥ ପ୍ରଧାନ ସମ୍ବିଧାନ ଓ ସମ୍ବିଧାନ ଦିବସର ଇତିହାସ ଏବଂ ଏହାର ଯଥାର୍ଥ ତାକୁ ପ୍ରାଞ୍ଜଳ ଭାବରେ ଵୁଝାଇ ସମସ୍ତଙ୍କୁ ଶପଥ ପାଠ କରାଇଥିଲେ। ଏହି ଦିବସ ଅବସରରେ ଛାତ୍ରଛାତ୍ରୀ ମାନଙ୍କୁ ନେଇ ସେମିନାର, ପ୍ରବନ୍ଧ ଲିଖନ, କୁଇଜ୍,ଗୀତ, ନାଚ, ଚିତ୍ରାଙ୍କନ ପ୍ରତିଯୋଗିତା ଆୟୋଜିତ ହୋଇଥିଲା ଏବଂ କୃତୀ ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ଏହି ଦିବସରେ ମହାବିଦ୍ୟାଳୟର ଅଧ୍ୟାପକ ବିଶ୍ୱରଂଜନ ଜେନା, ସନ୍ତୋଷ ଭୋଇ,ଦିଲିପ ସାହୁ,ଜୟକାନ୍ତ ଚାନ୍ଦ, ସରୋଜ ମାରାଣ୍ଡି, ମହେନ୍ଦ୍ର ଭୋଇ, ପଦ୍ମାଳୟା ଜାଲ, କମଳା ସିଂ ପ୍ରମୁଖ ସମେତ ସମସ୍ତ ଅଧ୍ୟାପକ, ଅଧ୍ୟାପିକା, ଛାତ୍ରଛାତ୍ରୀ ସହଯୋଗ କରିଥିଲେ। ଶେଷରେ ଅଧ୍ୟାପିକା କମଳା ସିଂ ଧନ୍ୟବାଦ ଅର୍ପଣ କରିଥିଲେ।
