ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲାରୋଡର ବିଶିଷ୍ଟ ସମାଜସେବୀ ତଥା ଉଦ୍ୟୋଗପତି ଗୋବିନ୍ଦରାମ କେଡିଆ (୮୫)ଙ୍କ ବାର୍ଦ୍ଧକ୍ୟ ଜନିତ କାରଣରୁ ରାୟପୁରରେ ଶନିବାର ମଧ୍ୟାହ୍ନ ୧୨ ଘଣ୍ଟା ସମୟରେ ଦେହାନ୍ତ ହୋଇଯାଇଛି। ସ୍ଵର୍ଗତ ଶ୍ରୀ କେଡିଆ ନର୍ଲା ଅଞ୍ଚଳର ଅନେକ ଧର୍ମାନୁଷ୍ଠାନ ସହ ଜଡ଼ିତ ଥିଲେ। ବିଶେଷ କରି ନର୍ଲାରୋଡ଼ ନୀଳକଣ୍ଠେଶ୍ଵର ଶିବ ମନ୍ଦିର ପରିଚାଳନା କମିଟିର ସଭାପତି ଭାବରେ ଦୀର୍ଘବର୍ଷ ରହି ଏହି ପିଠର ବିକାଶ ପାଇଁ ଦିନ ରାତି ପରିଶ୍ରମ କରିଥିଲେ। ଆଖ ପାଖର ଅନେକ ମନ୍ଦିର ନିର୍ମାଣ ପାଇଁ ତାଙ୍କର ଆକୁଣ୍ଠ ସହଯୋଗ ରହିଥିଲା। ଅନେକ ଗରୀବ ପରିବାରଙ୍କୁ ସେ ସହଯୋଗ କରି ଆସୁଥିଲେ। ତାଙ୍କର ପାର୍ଥିବ ଶରୀର ରାୟପୁରରୁ ନିଜ ଘର ବଲାଙ୍ଗୀର ଜିଲ୍ଲା ତୁଶୁରାକୁ ଅଣାଯାଉଛି। ରବିବାର ୧୦.୩୦ରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ ବୋଲି ଜଣାପଡ଼ିଛି।
