ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଳକ୍ ମହିମା ପଞ୍ଚାୟତ ଭୂର୍ଷାଗୁଡା ସ୍ବାମୀ ବିବେକାନନ୍ଦ ଯୁବ ସଂଘ ପକ୍ଷରୁ ରବିବାର ସ୍ବାମୀ ବିବେକାନନ୍ଦଙ୍କ ଜୟନ୍ତୀ ଓ ରାଷ୍ଟ୍ରୀୟ ଯୁବ ଦିବସ ପାଳିତ ହୋଇଛି। ସଂଘର ସଭାପତି ଶିବାନ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଗ୍ରାମର ଦୁର୍ଜନ ମାଝୀ, ଦୈତାରୀ ମାଝୀ, ଟଙ୍କଧର ନାଏକ, ରାଜ ମୋହନ ଧଙ୍ଗଡାମାଝୀ, ଔରତ ମାଝୀ, ରାଜେନ୍ଦ୍ର ଦାସ ପ୍ରମୁଖ ଯୋଗଦେଇ ଥିଲେ। ଏହି ଅବସରର ସ୍ବାମୀଜୀଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହେବାକୁ ଶପଥ ପାଠ କରାଯାଇଥିଲା। ସଂଘ ସଂପାଦକ କ୍ଷୀରୋଦ କୁମାର ନାଏକ, ସହ ସଂପାଦକ ସେନାପତି ନିଆଲ, ଉପସଭାପତି ସୁଦର୍ଶନ ମାଝୀ, ଲଲିତ ଦିଆରୀ, ଉପଦେଷ୍ଟା ଲବ ମାଝୀ ନିଜ ନିଜ ଅଭିଭାଷଣ ରଖିଥିଲେ। ଜିତେନ୍ଦ୍ର କୁମାର ଠାକୁର କାର୍ଯ୍ୟକ୍ରମର ପରିଚାଳନା କରିଥିବାବେଳେ ସଂଘ ସଦସ୍ୟ ପଦ୍ମଲୋଚନ ମାଝୀ, ଡମ୍ବରୁଧର ନାଏକ, ଅଶୋକ ନାଏକ, ତୁଳସୀ ରଣା, ବିଷ୍ଣୁ ପ୍ରସାଦ ମାଝୀ ସମେତ ଗ୍ରାମବାସୀ ପରିଚାଳନାରେ ସହଯୋଗ କରିଥିଲେ। ଶେଷରେ କୋଷାଧ୍ୟକ୍ଷ ଗୋବର୍ଦ୍ଧନ ନାଏକ ଧନ୍ୟବାଦ ଅର୍ପଣ କରିଥିଲେ।
