ଓଡିଆ ବାର୍ତ୍ତା/ ଗଜପତି (ଗଣେଶ କୁମାର ରାଜୁ): ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ସିଏସିଏଲ , ଆଇଏସଆରଡି: , ପ୍ରଭା , ଜେକେପି , ସିସିଡବ୍ଲୁଡି , ଆରକେଏସଏସ , ଗଜପତି ତରଫରୁ ଶିଶୁ ଶ୍ରମ ମୁକ୍ତ ଓଡ଼ିଶା ଗଠନ ଅଭିଯାନ ଉଦେଶ୍ୟରେ ପଦଯାତ୍ରା ଏବଂ ସଚେତନତା ରଥ ମାଧ୍ୟମରେ ସହର ପରିକ୍ରମା କାର୍ଯକ୍ରମ ଅନୁଷ୍ଠିତ ହୋଇଯାଇଛି ।
ପ୍ରତିବର୍ଷ ଜୁନ୍ ୧୨ ତାରିଖରେ ପାଳିତ ହେଉଥିବା ବିଶ୍ୱ ଶିଶୁ ଶ୍ରମିକ ବିରୋଧୀ ଦିବସର ଲକ୍ଷ୍ୟ ହେଉଛି ଶିଶୁ ଶ୍ରମିକ ସମସ୍ୟା ବିଷୟରେ ବିଶ୍ୱ ସଚେତନତା ବୃଦ୍ଧି କରିବା ଏବଂ ଏହାର ନିରାକରଣ ପାଇଁ ସମର୍ଥନ କରିବା। ଏହାର ପ୍ରାଥମିକ ଉଦ୍ଦେଶ୍ୟ ହେଉଛି ଶିଶୁମାନଙ୍କ ଅଧିକାରକୁ ପ୍ରୋତ୍ସାହିତ କରିବା , ସେମାନଙ୍କୁ କାମ ପାଇଁ ଶୋଷଣ ନକରିବା ନିଶ୍ଚିତ କରିବା ଏବଂ ସେମାନଙ୍କୁ ଶିକ୍ଷା , ବିକାଶ ଏବଂ ସୁରକ୍ଷିତ ଶୈଶବ ପାଇଁ ସୁଯୋଗ ପ୍ରଦାନ କରିବା।
ଏହି ଦିବସଟି ଶିଶୁମାନଙ୍କ ଶାରୀରିକ, ମାନସିକ ଏବଂ ସାମାଜିକ ବିକାଶ ଉପରେ ଶିଶୁ ଶ୍ରମିକର କ୍ଷତିକାରକ ପ୍ରଭାବକୁ ଉଜାଗର କରିବା ପାଇଁ ଏକ ମଞ୍ଚ ଭାବରେ କାର୍ଯ୍ୟ କରେ । ଏହା ସରକାର , ସଂଗଠନ ଏବଂ ବ୍ୟକ୍ତି ବିଶେଷଙ୍କୁ ଶିଶୁ ଶ୍ରମିକ ଦୂର କରିବା ଏବଂ ପିଲାମାନଙ୍କ ଅଧିକାରକୁ ସୁରକ୍ଷା ଦେବା ପାଇଁ ପଦକ୍ଷେପ ନେବାକୁ ଉତ୍ସାହିତ କରେ।
ଏହା ସରକାର , ନାଗରିକ ସମାଜ ଏବଂ ଅନ୍ୟାନ୍ୟ ଅଂଶୀଦାର ମାନଙ୍କୁ ଶିଶୁ ଶ୍ରମିକ ବିରୋଧରେ ଲଢ଼ିବା ଏବଂ ପିଲାମାନଙ୍କ ପାଇଁ ଏକ ଉଜ୍ଜ୍ୱଳ ଭବିଷ୍ୟତ ସୁନିଶ୍ଚିତ କରିବା ପାଇଁ ଏକାଠି କାମ କରିବାକୁ ପ୍ରେରଣା ଦେବା ଦରକାର ବୋଲି ମତ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ସିଏସିଏଲ , ଆଇଏସଆରଡି: , ଜେକେପି: , ସିସିଡବ୍ଲ୍ୟୁଡି: , ଆରକେଏସଏସ: ର ସମସ୍ତ କର୍ମକର୍ତ୍ତା ପ୍ରମୁଖ ଉପସ୍ଥିତ ରହି ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ |
