ସମ୍ବଲପୁର,୨୨/୧୨: ୩୦ରୁ ଅଧିକ ମହିଳା, ପୁରୁଷ ଓ ଛୋଟପିଲାଙ୍କୁ ନେଇ ଯାଉଥିବା ମିନିଟ୍ରକ୍‌ ଓଲଟି ପଡ଼ିବାରୁ ୨ ଜଣ ମହିଳାଙ୍କ ମୃତ୍ୟୁ ଘଟିଛି। ଏହି ଦୁର୍ଘଟଣାରେ ୧୦ ଜଣ ଗୁରୁତର ଆହତ ବହୋଇଛନ୍ତି। ଆହତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି।
ଜଙ୍ଗଲରେ ଥିବା ଏକ ଅସୁସ୍ଥ ହାତୀକୁ ଦେଖିବାକୁ ସମ୍ଵଲପୁର ଯୁଯୁମୁରା ବ୍ଲକ ଡଙ୍ଗରପଡା ପଞ୍ଚାୟତ ନୂଆଁମୁଣ୍ଡା ଗାଁର ପ୍ରାୟ ୩୦ ଜଣ ଲୋକ ମିନି ଟ୍ରକରେ ଯାଉଥିଲେ। ଯିବା ବାଟରେ ତୁଷାରକଣ୍ଟାସ୍ଥିତ ବୁଲାଣିଠାରେ ମିନି ଟ୍ରକ୍‌ଟି ଓଲଟି ପଡ଼ିଥିଲା।