ରାୟଗଡ,୨୦/୬: ପ୍ରେସ ୟୁନିୟନ ରାୟଗଡ ତରଫରୁ ଲଦାଖର ଗଲୱାନ ଘାଟିରେ ଶହୀଦ ହୋଇଥିବା ୨୦ଜଣ ଭାରତୀୟ ଯବାନଙ୍କ ଉଦ୍ଦେଶ୍ୟରେ ଏକ ଶ୍ରଦ୍ଧାଂଜଳି ସଭା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରେସ ୟୁନିୟନ ସଭାପତି ଦୟାନନ୍ଦ ଖାଡଙ୍ଗାଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ ଉପସ୍ଥିତ ସମସ୍ତେ ସାମାଜିକ ଦୂରତା ରକ୍ଷା କରି ପ୍ରଥମେ ୨ମିନିଟ୍ ନୀରବ ପ୍ରାର୍ଥନା କରିଥିଲେ । କାର୍ଯ୍ୟକ୍ରମରେ ଉପସ୍ଥିତ ସମସ୍ତ ବୁଦ୍ଧିଜୀବି, ସମାଜସେବୀ ବ୍ୟକ୍ତିବିଶେଷମାନେ ଚୀନର ପ୍ରୟୋଜିତ ଆକ୍ରମଣ ଓ ହତ୍ୟାକୁ ତ୍ରୀବ ନିନ୍ଦା କରିବା ସହିତ ଚୀନର ସମସ୍ତ ଦ୍ରବ୍ୟକୁ ବହିଷ୍କାର କରିବା ସହ ସମସ୍ତେ ମିଳିମିଶି ଚୀନ ସାମଗ୍ରୀକୁ ବହିଷ୍କାର କରିବା ପାଇଁ ପ୍ରତିଞା କରିଥିଲେ ।
ଏହି କାର୍ଯ୍ୟକ୍ରମରେ ଅତିିରିକ୍ତ ଜିଲ୍ଳାପାଳ ଶରତ ଚନ୍ଦ୍ର ପଣ୍ଡା, ବିଡିଓ ରାଜେନ୍ଦ୍ର ମାଝି, ଏବିଡିଓ ନୃସିଂହଚରଣ ପଟ୍ଟନାୟକ, ଜିଲ୍ଳା ସୂଚନା ଓ ଲୋକ ସଂପର୍କ ଅଧିକାରୀ ବସନ୍ତ କୁମାର ପ୍ରଧାନ, ଇମ୍ଫା କାରଖାନାର ଲୋକ ସଂପର୍କ ଅଧିକାରୀ ଶକ୍ତିପ୍ରସାଦ ପାଣିଗ୍ରାହୀ, ବରିଷ୍ଠ ଓକିଲ ପ୍ରଦୀପ ଦାଶ,ବିଜେପି ନେତା ବସନ୍ତ ଉଲାକା, ବରିଷ୍ଠ ସାମ୍ବାଦିକ ନୃସିଂହନାଥ ପାଢୀ ଉପସ୍ଥିତ ରହି ଶହୀଦ ଯବାନଙ୍କୁ ଶ୍ରଦ୍ଧାଂଜଳି ଦେଇଥିଲେ ।
ଏହି କାର୍ଯ୍ୟକ୍ରମକୁ ପ୍ରେସ ୟୁନିୟନର ସଦସ୍ୟ ସୁରେଶ ଦାସ, ମନୋଜ ସାହୁ, ଶ୍ରୀନିବାସ ବଳିୟାରସିଂ, ସନ୍ତୋଷ ପାଢୀ, ଶ୍ରୀଧର ଚୈାଧୁରୀ, ପ୍ରଦୀପ ପାତ୍ର, ଶିବାଜୀ ଦାସ, ସନ୍ତୋଷ ସାହୁ ପ୍ରମୁଖ ଉପସ୍ଥିତ ରହି ଯବାନଙ୍କୁ ଶ୍ରଦ୍ଧାଂଜଳି ପୂର୍ବକ ପରିଚାଳନାରେ ସହଯୋଗ କରିଥିଲେ ।
ରାୟଗଡରୁ ଶିବ ନାରାୟଣ ଗୈାଡଙ୍କ ରିପୋର୍ଟ OdiaBarta.in
Click here to get 24×7 News & Views alerts
https://facebook.com/odiabarta
