କୋରାପୁଟ,୨୫/୭: ଦିନକୁ ଦିନ ବଢିଚାଲିଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି କୋରାପୁଟ ଜିଲ୍ଲାରେ ଦ୍ବିତୀୟ କୋଭିଡ କେୟାର କେନ୍ଦ୍ର ସ୍ଥାପନ କରାଯାଇଛି । ସହରର ଗାନ୍ଧୀନଗର ସ୍ଥିତ ଅନେସ୍ୱା ହଷ୍ଟେଲରେ ୭୦ ଶଯ୍ୟା ବିଶିଷ୍ଟ କୋଭିଡ କେୟାର କେନ୍ଦ୍ରକୁ ଜିଲ୍ଲାପାଳ ମଧୁସୂଦନ ମିଶ୍ର ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି । ଏହି କେନ୍ଦ୍ରରେ ଡ଼ାକ୍ତର ଓ ସ୍ୱାସ୍ଥ୍ୟ କର୍ମଚାରୀଙ୍କୁ ଅବସ୍ଥାପିତ କରାଯାଇଛି ତଥା ୨୪ଘଣ୍ଟିଆ ସେବା ଯୋଗାଇଦେବାକୁ ସହାୟତା କେନ୍ଦ୍ରର ବ୍ୟବସ୍ଥା ରହିଛି ।
ପୂର୍ବରୁ ଜୟପୁରରେ ୭୦ ଶଜ୍ୟା ବିଶିଷ୍ଟ କୋଭିଡ କେୟାର ଖୋଲା ଯାଇଥିବା ବେଳେ ଆଜି କୋରାପୁଟ ସହରରେ ମଧ୍ୟ ୭୦ ଶଯ୍ୟା ବିଶିଷ୍ଟ କେନ୍ଦ୍ରର ଶୁଭ ଉଦଘାଟନ କରାଯାଇଛି । ଖୁବ ଶୀଘ୍ର ସୁନାବେଡା ଦାମନଯୋଡିରେ ମଧ୍ୟ କୋଭିଡ କେୟାର କେନ୍ଦ୍ର ଖୋଲାଯିବ । ଏଥିସହ ଜିଲ୍ଲାରେ ୨୩୦ରୁ ଉର୍ଷ ପଞ୍ଚାୟତରେ କୋଭିଡ କେୟାର ଓ ୭ କ୍ଲଷ୍ଟର କୋଭିଡ କେୟାର କେନ୍ଦ୍ର ଖୁବ ଶୀଘ୍ର ଖୋଲାଯିବା ବୋଲି ଜିଲ୍ଲାପାଳ କହିଛନ୍ତି ।
କୋରାପୁଟ ଜିଲ୍ଲାରେ ପଜିଟିଭଙ୍କ ସଂଖ୍ୟା ୪୪୧ ରେ ପହଞ୍ଚିଛି । ତଥାପି ଜିଲ୍ଲା ପ୍ରଶାସନ ପକ୍ଷରୁ କଡା ସତର୍କତା ଅବଲମ୍ବନ କରାଯାଉଛି ବୋଲି ଜିଲ୍ଲାପାଳ ଓ ସିଡିଏମଓ କହିଛନ୍ତି । କୋଭିଡ କେୟାର କେନ୍ଦ୍ର ଉଦଘାଟନ ସମୟରେ ଜିଲ୍ଲା ସ୍ତରୀୟ ଅଧିକାରୀ, ଡାକ୍ତର ଓ କର୍ମଚାରୀ ଉପସ୍ଥିତ ଥିଲେ ।
Click here to get 24×7 News & Views alerts
https://facebook.com/odiabarta
