ଗୁଣୁପୁର, ୩|୯ (ଦିଲୀପ କୁମାର ପଣ୍ଡା): ଗୁଣୁପୁର ବ୍ଲକ ଛାଲକମ୍ଭା ପଞ୍ଚାୟତ ସ୍ଥିତ ସୌରାପ୍ରଧାନ ଗୁଡା କଲୋନିର ସୁରେଶ ଶବରଙ୍କ ସ୍ତ୍ରୀ ସରସ୍ଵତୀ ଶବର (୩୦) ସାପ କାମୁଡାରେ ମୃତ୍ୟୁ ବରଣ କରିଥିବା ଜଣାପଡିଛି। ପ୍ରାପ୍ତ ସୂଚନାରୁ ପ୍ରକାଶ ଯେ, ରାତିରେ ସେ ଘରେ ଶୋଇଥିବା ଅବସ୍ଥାରେ କୌଣସି ଏକ ଅଜଣା ସାପ କାମୁଡି ଦେଇଥିଲା। ତୁରନ୍ତ ତାଙ୍କୁ ପାରଲାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଚିକିତ୍ସା ନିମନ୍ତେ ନିଆ ଯାଇଥିଲା। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
