ଖେଳରେ ଜୀବନ ନ ଥାଏ କେବଳ
ଜୀବନରେ ଥାଏ ଖେଳ
ଖେଳ ଖେଳୁ ଖେଳୁ ପାଦ ଖସି ଯାଏ
ଲେଉଟି ଫେରେ କି ବେଳ ।।
ତାରା ଗଣୁ ଗଣୁ ରାତି ପାହିଯାଏ
ସୂରୁଜ ବୁଡିଲେ ଦିନ
ହାତ ଧରା ଧୂଲି ତଳେ ପଡିଯାଏ
କାହା ପାଇଁ ଅଭିମାନ ।।
ନିୟମରେ ବନ୍ଧା ଜୀବନ ବୃତ୍ତାନ୍ତ
ନିୟମରେ ବନ୍ଧା ଖେଳ
ଖେଳର ବୟସ ନିମିତକ ପାଇଁ
ଜୀବନ ପଥ ପିଚ୍ଛିଳ ।।
ବାଟ ଭାଙ୍ଗି ଯାଏ ଶ୍ରାବଣର ଧାରା
ବାଟ ଭାଙ୍ଗି ଦିଏ ସାଥି
ଝଡ ପବନରେ ବାଇ ଚଢେଇଟି
ବସା ଗଢୁ ଥାଏ ନିତି ।।
ଖେଳ ସରି ଗଲେ ସାଥି ଚାଲି ଗଲେ
ଖାଲି ପଡି ଯାଏ ଦୋଲି
ନ ବୁଝି ରହଷ୍ୟ ତୁଚ୍ଛ ସୁଖ ପାଇଁ
କାଇଁ କରୁ ଏତେ ଅଳି??
✒️ହେଲେନା ସାହୁ
ବାଲିପଡା, ଭାନପୁର, ନର୍ଲା, କଳାହାଣ୍ଡି
