କୋକସରା, (ହିରଣ୍ୟ ବେହେରା): କୋକସରା ଥାନା ଅନ୍ତର୍ଗତ ଜୟନ୍ତପୁର ଗ୍ରାମ ର ଜଣେ ୫୬ ବର୍ଷୀୟ ବୃଦ୍ଧଙ୍କ ଝୁଲନ୍ତା ଶବ ଶୁକ୍ରବାର କୋକସରା ପୁଲିସ ଉଦ୍ଧାର କରିଛି । ବୃଦ୍ଧ ଜଣକ ଗ୍ରାମର ଦ୍ରୋଣ ମେହେର ବୋଲି ଜଣାପଡିଛି । ସେ ଗତକାଲି ଠାରୁ ନିଖୋଜ ରହିଥିଲେ । ପରିବାର ଲୋକେ ବହୁ ଖୋଜାଖୋଜି କରିଥିଲେ । ତେବେ ଆଜି ୧୨ଟା ରେ ଗାଁ ର ଏକ ନାଳ ନିକଟ ଗଛରେ ବେକ ରେ ରଶି ଲଗାଇ ଝୁଲନ୍ତା ଅବସ୍ଥା ବୃଦ୍ଧଙ୍କ ଶବ ରହିଥିବା ସ୍ଥାନୀୟ ଲୋକେ ଦେଖିବାକୁ ପାଇ ଥିଲେ । ପରେ ପରିବାର ଲୋକେ କୋକସରା ପୁଲିସ ଖବର ଦେଇଥିଲେ ।
ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ପରେ ଶବ ଜବତ କରି କୋକସରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପାଠାଇ ଶବ ବ୍ୟବଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରିଛି । ତେବେ ଗତ କିଛି ମାସ ତଳେ ମୃତ ବ୍ୟକ୍ତି ଙ୍କ ୧୨ବର୍ଷୀୟ ଝିଅ ନିଜ ଘର ଭିତରେ ଆତ୍ମହତ୍ୟା କରିଥିବାବେଳେ ସେ ମାନସିକ ଚାପ ରେ ଥିବା କୁହାଯାଉଛି । ଏନେଇ କୋକସରା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇ ତଦନ୍ତ ଚାଲିଥିବା ଥାନା ଅଧିକାରୀ ରମଣୀ ରଂଜନ ଦଳେଇ ସୂଚନା ଦେଇଛନ୍ତି ।
