✒️ହେମନ୍ତ ସାହୁ
ଗୋଟେ ଯୁଗର ଯନ୍ତ୍ରଣାକୁ ଛାତିରେ ଧରି
ଓଠରେ ଯିଏ ଧାରେ ହସ ଖଂଜି ଦେଇପାରେ
ହସି ହସି ସବୁ ବ୍ୟଥାକୁ ଗପ କରିପାରେ
ସମୟ ଯା ଆଗରେ,ନିଜେ ନିଜେ ହାରେ
ସିଏ କେବଳ ଅସଲମ୍ ଦା’ହିଁ ହେଇପାରେ ।ା
ବାପାଙ୍କ ପାଖରୁ ବଂଶ ସୂତ୍ରରେ ପାଇଥିବା ଛାତି
ଯୋଉ ଛାତିରେ କେବଳ ଥାଏ ଗୋଟେ ପ୍ରେମଗୀତି
ସେ ଗୀତକୁ ଗୁଣୁ ଗୁଣୁ ଗାଉଥାଏ,ଯିଏ ନିଜ ସୁରେ
ସିଏ କେବଳ ଅସଲମ୍ ଦା’ ହିଁ ହେଇପାରେ ।ା
ତମେ ଖେଦି ପାରିନଥିବା ଡ଼ଙ୍ଗର, ଝର୍ଣ୍ଣା
ଭେଦି ପାରିନଥିବା ପାହାଡ଼ୀ ବନ୍ୟା
ତା ଉପରେ ରାତି ଅଧରେ ପାଦ ଥୋଇପାରେ
ସିଏ କେବଳ ଅସଲମ ହିଁ ହେଇପାରେ ।ା
ନିଜ ଭିତରେ ହାରୁ ନଥିବା ଗୋଟେ ସୈନିକ
ଭୟଙ୍କର ରାତି, ଆଉ ମୃତ୍ୟୁ ଗଡ଼ରେ ଯିଏ ନିର୍ଭୀକ
ନିଜ ବିରୁଦ୍ଧରେ ଯିଏ ଯୁଦ୍ଧ ଘୋଷିପାରେ
ସିଏ କେବଳ ଅସଲମ୍ ଦା’ ହିଁ ହେଇପାରେ ।ା
ତଲସାଗରପଡା, ମ.ରାମପୁର, କଳାହାଣ୍ଡି
