ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ଦ୍ୱିତୀୟ ଓଡିଶା ବାଳିକା ବାଟାଲିୟନ୍ ଏନସିସି, ରାୟଗଡା ତରଫରୁ ସ୍ଥାନୀୟ ନଗର ଭବନ ଠାରେ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି । ରାୟଗଡା ସହରର ୪ଟି ସ୍କୁଲ ଓ ୨ଟି ବିଦ୍ୟାଳୟର ଏନସିସି କ୍ୟାଡେଟମାନେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ଯୋଗଶିକ୍ଷା ଗ୍ରହଣ କରିଥିଲେ । ଯୋଗଗୁରୁ କିଶୋର ଚନ୍ଦ୍ର ଦୋରା ବିଭିନ୍ନ ଯୋଗାସନ ପ୍ରଦର୍ଶିତ କରିଥିବା ବେଳେ ରାୟଗଡା ମହିଳା ମହାବିଦ୍ୟାଳୟର ଏନସିସି ଅଧିକାରୀ କ୍ୟାପଟେନ୍ ଗୀତାରାଣୀ ମିଶ୍ର ସହାୟକ ଯୋଗଗୁରୁ ଭାବେ ଯୋଗାସନଗୁଡିକର ଉପକାରିତା ସଂପର୍କରେ ଆଲୋକପାତ କରିଥିଲେ ।
ଯୋଗ ଦ୍ୱାରା ଶରୀର ଓ ମନ ସୁସ୍ଥ ରହେ । ଫଳରେ ଏକ ସୁସ୍ଥ ଓ ନିରୋଗ ଜୀବନ ଅତିବାହିତ କରିବାର ସୁଯୋଗ ମିଳିପାରିଥାଏ । ସମସ୍ତେ ଯୋଗ କରିବା ଆବଶ୍ୟକ ବୋଲି ଯୋଗଗୁରୁ ପ୍ରଶିକ୍ଷକମାନେ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଦ୍ୱିତୀୟ ଓଡିଶା ବାଳିକା ବାଟାଲିୟନ ଏନସିସି ରାୟଗଡାର କମାଣ୍ଡି ଅଧିକାରୀ ଆଲୋକ ଘୋଷ ଯୋଗ ଦେଇ ଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରି ସମସ୍ତଙ୍କୁ ଉତ୍ସାହିତ କରିଥିଲେ ।
