ଓଡ଼ିଆ ବାର୍ତ୍ତା/ କଟକ ସଦର (ଶ୍ରୀକାନ୍ତ ବେଉରା): କଟକ ସଦର ୪୨ ମୋୖଜା ଉପକଣ୍ଠ ଦେଉଳି ଗ୍ରାମର ବିଜୟ ଭୂଷଣ ପତିଙ୍କ ବାସଗୃହରେ ମହାପୁରୁଷ ମହାଯୋଗୀ ତଥା ବିଶିଷ୍ଟ ସ୍ୱାଧୀନତା ସଂଗ୍ରାମୀ ଶ୍ରୀ ଅରବିନ୍ଦଙ୍କ ୧୫୦ତମ ଜନ୍ମ ଜୟନ୍ତୀ ରଶ୍ମିତା ପତିଙ୍କ ପୌରୋହିତ୍ୟରେ ପାଳିତ ହୋଇଯାଇଛି । ଏହି ଅବସରରେ “ଶ୍ରୀଅରବିନ୍ଦଙ୍କ ଜନ୍ମ ଏକ ଶାଶ୍ୱତ ଜନ୍ମ” ଶୀର୍ଷକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । ଏଥିରେ ସଞ୍ଜୟ କୁମାର ମହାପାତ୍ର, କାଳନ୍ଦୀ ସେନାପତି, କୈବଲ୍ୟ ଜେନା, ଜ୍ୟୋସ୍ନାରାଣୀ ଦାଶ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । କଣ୍ଠଶିଳ୍ପୀ ଲତା ଦାସ ଓ ବିରଞ୍ଚି ପଦାରବିନ୍ଦଙ୍କ ସୁମଧୁର କଣ୍ଠରୁ ନିସୃତ ବନ୍ଦନା ପରିବେଶକୁ ଆଧ୍ୟାତ୍ମିକମୟ କରିଥିଲା । ଏହି କାର୍ଯ୍ୟକ୍ରମରେ ନିକୁଞ୍ଜ ବିହାରୀ ମହାନ୍ତି, ଧର୍ମାନନ୍ଦ ପାଣ୍ଡେ, ବନ୍ଦନା ଦୀକ୍ଷିତ, ବରିଷ୍ଠ ସଂଗ୍ରାହକ ନାରାୟଣ ଚନ୍ଦ୍ର ମହାନ୍ତି, ସରୋଜ ନଳିନୀ ପରିଜା, ପ୍ରେମଲତା ପରିଡା, ଗାୟତ୍ରୀ ପତି, ସରସ୍ବତୀ ପତି, ସବ୍ୟସାଚୀ ଦାଶ, କସ୍ତୁରୀ ପତି ପ୍ରମୁଖ ଉପସ୍ଥିତ ଥିଲେ ।
