ଓଡ଼ିଆ ବାର୍ତ୍ତା/ ରାୟଗଡା/ କାଶୀପୁର (ଆଲାରାମ ଭତ୍ରା): ରାୟଗଡା ଜିଲ୍ଲା କୁମ୍ଭିକୋଟା ଠାରେ ଡମ ପରମ୍ପରା ଅନୁଯାଇ ଦିଆଲ ପରବ ଭେଟଘାଟ-୨୦୨୨ ଅନୁଷ୍ଠିତ ହୋଇଛି । ଏହାକୁ କୁମ୍ଭୀକୋଟା, ନାକିଟି ଓ ପୋଢମରାର ଯୁବକ ଓ ବୁଦ୍ଧିଜୀବୀମାନେ ଆୟୋଜନ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟାନ୍ୟ ଗ୍ରାମର ନାଇକ, ଧାଙ୍ଗଡାମାଜି, ଡମ ସମାଜ ବୁଦ୍ଧିଜୀବୀଙ୍କୁ ମଧ୍ୟ ନିମନ୍ତ୍ରଣ କରାଯାଇଥିଲା ।
ମୁଖ୍ୟତଃ କାର୍ଯ୍ୟକ୍ରମରେ ନିଜର ପରମ୍ପରା ଅନୁଯାୟୀ ଗୀତ ନାଟ୍ୟ, ବାଜା ମହୁରୀ କରି ବାହାରୁ ଆସି ଥିବା ବୁଦ୍ଧିଜୀବୀ, ଅନ୍ୟାନ୍ୟ ଅନୁଷ୍ଠାନରେ କୃତକାର୍ଯ୍ୟ ଅଫିସର, ମେଧାବୀ ଛାତ୍ର ଛାତ୍ରୀଙ୍କୁ ସମ୍ବର୍ଦ୍ଧନା କରି ଫୁଲ ମାଳ ଦେଇ ପାଛୋଟି ନେଇ ଥିଲେ । ସ୍ଥାନୀୟ ଅଞ୍ଚଳର ଯୁବକ ଯୁବତୀ ମନ ଭରି ଷ୍ଟେଜ ଉପରେ ନୃତ୍ୟ ପରିବେଷଣ କରି ଗ୍ରାମବାସୀ ଓ ଉପସ୍ଥିତ ଥିବା ବୁଦ୍ଧିଜୀବୀଙ୍କୁ ନିଜ କଳାରେ ଆକୃଷ୍ଟ କରିଥିଲେ ।
ସମସ୍ତ ନାଇକ, ଧାଙ୍ଗଡାମାଜିଙ୍କୁ ମଧ୍ୟ ଫୁଲ ପିନ୍ଧେଇ ସମ୍ମାନିତ କରିଥିଲେ । ଶେଷ ପର୍ଯ୍ୟାୟରେ ମଧ୍ୟାହ୍ନ ଭୋଜନର ମଧ୍ୟ ଆୟୋଜନ ହୋଇଥିଲା । ଏଭଳି କାର୍ଯ୍ୟକ୍ରମ ଅଞ୍ଚଳରେ ପ୍ରଥମ କରି ହୋଇଥିବାରୁ ସମସ୍ତେ ଆୟୋଜକଙ୍କୁ ବୁଦ୍ଧିଜୀବୀମାନେ ସାଧୁବାଦ ଜଣାଇ ଥିଲେ । ଏଭଳି କାର୍ଯ୍ୟକ୍ରମ ନିଜ ସମାଜକୁ ମଜବୁତ୍ କରିବା ସହ ଆଗାମୀ ପିଢ଼ି ପାଇଁ ବହୁ ଉପକାରରେ ଆସିବ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହୋଇଥିଲା ।
