ଉତ୍କଳ ପ୍ରାଦେଶିକ ମାରୱାଡ଼ି ମହାସଭା ପକ୍ଷରୁ ସମ୍ମାନୀତ ହେଲେ ଧର୍ମଗଡ଼ର ଯୁବ ସମାଜସେବୀ ମଦନ ଜୈନ

ଓଡ଼ିଆ ବାର୍ତ୍ତା/ ଧର୍ମଗଡ଼ (ଲବଣୀ ରାଉତ): ଉତ୍କଳ ପ୍ରାଦେଶିକ ମାରୱାଡ଼ି ମହାସଭା ତରଫରୁ ସମ୍ମାନୀତ ହୋଇଛନ୍ତି ଧର୍ମଗଡ଼ର ଯୁବ ସମାଜସେବୀ ମଦନ ଜୈନ। ଧର୍ମଗଡ଼ ଅଞ୍ଚଳର ଜଣେ ବିଶିଷ୍ଟ ସମାଜସେବୀ ତଥା ପରୋପକାରୀ ବ୍ୟକ୍ତି ଭାବରେ ଶ୍ରୀ ଜୈନ ସୁପରିଚିତ। ମହାମାରୀ କରୋନା ସମୟରେ ଗରିବ ଲୋକଙ୍କୁ ରାସନ ସାମଗ୍ରୀ ବଣ୍ଟନ କରିବା ହେଉ କିମ୍ବା ବୁଲା ଗାଈ ଗୋରୁ, କୁକୁର ଓ ପଶୁ ମାନଙ୍କୁ ଖାଦ୍ୟ ବିତରଣ କରି ମାନବିକତାର ପ୍ରକୃଷ୍ଟ ଉଦାହରଣ ସୃଷ୍ଟି କରିଛନ୍ତି ମଦନ ଜୈନ। ଏହାସହ ଅନ୍ୟାନ୍ୟ ସମୟରେ ପଥିକ ମାନଙ୍କ ବିଶୁଦ୍ଧ ପାନୀୟ ଜଳ ଯୋଗାଣ, ଅନାଥ ନିରୀହ ଲୋକଙ୍କ ଶବ ସତ୍କାର କରିବା, ରକ୍ତ ଅଭାବ ହେଉଥିବା ଲୋକଙ୍କୁ ରକ୍ତ ଯୋଗାଇ ଦେବା, ବୋଲବମ ଭକ୍ତଙ୍କୁ ଖାଦ୍ୟ ଯୋଗାଇ ଦେଉଥିବା ଶ୍ରୀ ଜୈନଙ୍କୁ ଲୋକେ ଶ୍ରଦ୍ଧାରେ ମଦନ ବାବା ବୋଲି ଡାକିଥାନ୍ତି। ସାଧାରଣ ଜନତାଙ୍କ ସେବାରେ ସଦା ତତ୍ପର ମଦନ ଜୈନଙ୍କୁ ମାରଓ୍ବାଡି ସମାଜ ସମ୍ମାନିତ କରିଥିବାରୁ ଧର୍ମଗଡ଼ ଅଞ୍ଚଳର ସମସ୍ତ ସଂଘଠନ ତାଙ୍କୁ ଶୁଭେଚ୍ଛା ଜଣାଇଛନ୍ତି।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.