ଓଡ଼ିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଳେଇ): କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ରାମ ସେନା ପକ୍ଷରୁ ଶ୍ରୀରାମ ନବମୀ ଉତ୍ସବ ପାଳନ ହୋଇଯାଇଛି । ଏହି ଉତ୍ସବ ରେ ବିଶ୍ବହିନ୍ଦୁ ପରିଷଦ, ବଜରଙ୍ଗ ଦଳ, ଭାରତୀୟ ଜନତା ପାର୍ଟି, ରାଷ୍ଟ୍ରୀୟ ସ୍ବୟଂ ସେବକ ସଂଘ, ସରସ୍ଵତୀ ଶିଶୁ ମନ୍ଦିର, ଏକଲ ଅଭିଯାନ ସହ ଗୋଲାମୁଣ୍ଡା ଅଞ୍ଚଳର ଅନେକ ଯୁବକ ଯୋଡ଼ି ହୋଇ ବୃନ୍ଦାବାହାଲ ସରସ୍ଵତୀ ଶିଶୁ ମନ୍ଦିର ଠାରୁ ଗୋଲାମୁଣ୍ଡା ଯାଏଁ ବାଇକ୍ ଶୋଭାଯାତ୍ରା କରିଥିଲେ । ଏହି ଶୋଭାଯାତ୍ରାରେ ଭାରତୀୟ ଜନତା ପାର୍ଟି ଧର୍ମଗଡର ରୁପେଶ ଜେନ ଯୋଗ ଦେଇଥିବା ବେଳେ ଗୋଲାମୁଣ୍ଡା ଅଞ୍ଚଳର ମାନ୍ୟ ଗଣ୍ୟମାନ୍ୟ ବ୍ୟକ୍ତି ଯୋଡ଼ି ହୋଇଥିଲେ । ସରସ୍ଵତୀ ଶିଶୁ ମନ୍ଦିର ଗୋଲାମୁଣ୍ଡା ଠାରେ ସମସ୍ତେ ଏକାଠି ହୋଇ ଶ୍ରୀରାମଙ୍କ ପ୍ରତିଛବିରେ ପୁଷ୍ପ ପ୍ରଦାନ କରିଥିଲେ । ସୁଶାନ୍ତ କୁମାର ନାୟକ ଭଗବାନ ଶ୍ରୀରାମଙ୍କ ବିଷୟରେ ବୌଦ୍ଧିକ ରଖିଥିଲେ । ପରେ ମାଁ ମଙ୍ଗଳାଙ୍କ ମନ୍ଦିରରେ ଭୋଗର ବ୍ୟବସ୍ଥା ହୋଇଥିଲା ।
