ସୋନପୁର : ମାର୍ଚ୍ଚ ଆରମ୍ଭରୁ ସୁବର୍ଣ୍ଣପୁର ଜିଲାରେ ଗ୍ରୀଷ୍ମ ପ୍ରବାହ ବେଶ ଅନୁଭୂତ ହେଉଛି । ଏପ୍ରିଲ ଆରମ୍ଭରୁ ଜିଲାରେ ଗ୍ରୀଷ୍ମ ପ୍ରବାହ ଆଶାତୀତ ଭାବେ ବୃଦ୍ଧି ପାଇଥିବା ବେଳେ ଶୋଷ ମେଣ୍ଟାଇବା ପାଇଁ ପ୍ରମୁଖ ମାଧ୍ୟମ ହେଉଛି ଥଣ୍ଡା ପାନୀୟ । ଖରା ଦିନରେ ନିଟ ମଫସଲ ଠାରୁ ଆରମ୍ଭ କରି ରାଜଧାନୀ ପର୍ଯ୍ୟନ୍ତ ସବୁଠି ଥଣ୍ଡା ପାନୀୟର ଆଦର ବୃଦ୍ଧି ପାଇଛି । ସମ୍ଭ୍ରାନ୍ତ ପରିବାର ଠାରୁ ଆରମ୍ଭ କରି ଶ୍ରମଜୀବୀ ପର୍ଯ୍ୟନ୍ତ ସମସ୍ତେ ଏହାକୁ ବେଶ ପସନ୍ଦ କରୁଛନ୍ତି । କିନ୍ତୁ ଥଣ୍ଡା ପାନୀୟ ବିକ୍ରି ନାଁରେ ପ୍ରତ୍ୟେକ ଦିନ ହଜାର ହଜାର ଗ୍ରାହକ ଶୋଷଣର ଶିକାର ହେଉଥିବା ନେଇ ତୀବ୍ର ଅସନ୍ତୋଷ ପ୍ରକାଶ ପାଉଛି । ଥଣ୍ଡା ପାନୀୟ ପ୍ରସ୍ତୁତ କରୁଥିବା କମ୍ପଙ୍କନୀ ଥଣ୍ଡା ପାନୀୟ ବୋତଲରେ ସର୍ବାଧିକ ରିଟେଲ ଦର ସ୍ପଷ୍ଟ ଭାବରେ ଉଲ୍ଲେଖ କରିଛନ୍ତି ।
ସେହିରି କିଛି ପ୍ଲାଷ୍ଟିକ ବୋତଲରେ ମଧ୍ୟ ଉପଲବ୍ଧ ଥଣ୍ଡା ପାନୀୟ ଦର ପରିମାଣ ଅନୁସାରେ କମ୍ପଙ୍କନୀ ଧାର୍ଯ୍ୟ କରି ବୋତଲ ଗୁଡିକରେ ସ୍ପଷ୍ଟ ଲିପିବଦ୍ଧ କରିଛନ୍ତି । କିନ୍ତୁ ସୁବର୍ଣ୍ଣୁର ଜିଲାରେ ମନଇଚ୍ଛା ଟଙ୍କା ଅସୁଲି ହେଉଛି । ଦୋକନୀ ଫ୍ରିଜ୍ ଚାର୍ଜ ନାଁରେ ଧାର୍ଯ୍ୟ ଦର ଠାରୁ ଅଧିକ ଟଙ୍କା ନେଉଥିବା ଅଭିଯୋଗ ହେଉଛି । ବର୍ତ୍ତମାନ ସହରରରେ ୧୨ ଓ ୧୪ ଟଙ୍କା ମୂଲ୍ୟର ଥଣ୍ଡା ପାନୀୟ ୧୫ ଟଙ୍କାରେ ବିକ୍ରି ହେଉଥିବା ବେଳେ ୭୩ ଟଙ୍କାର ପାନୀୟ ୮୦ ଟଙ୍କାରେ ବିକ୍ରି ହେଉଥିବା ଗ୍ରାହକ ଅଭିଯୋଗ କରିଛନ୍ତି । ଏପରିକି ଗ୍ରାହକ ସ୍ୱର ଉଠାଇଲେ ଦୋକାନୀ ଫ୍ରିଜ୍ ଚାର୍ଜ ନେଉଥିବା ଅତି ନରମ ସ୍ୱରରେ କହି ସମ୍ପରକ୍ତ ଗ୍ରାହକକୁ ଚୁପକାଇ ଦେଉଥିବା ଦେଖାଯାଇଛି । ଖରା ଦିନେ ଥଣ୍ଡା ପାନୀୟ ସବୁ ବର୍ଗର ଲୋକଙ୍କ ପାଇଁ ଏକ ପ୍ରକାର ଫେସନ୍ ପାଲଟିଥିବା ବେଳେ ଦୋକାନୀ ଧାର୍ଯ୍ୟ ଦର ଠାରୁ ଢେର ଅଧିକ ନେଇ ମାଲାମାଲ ହେଉଛନ୍ତି । ଫେସନ୍ ଯୋଗୁଁ ସାଙ୍ଗସାଥି ମେଳରେ ଥିବା ଯୁବ ଗ୍ରାହକ ଗୋଷ୍ଠୀ ଫ୍ରିଜ୍ ଚାର୍ଜ ପ୍ରତି ଧ୍ୟାନ ନଦେଇ ଦୋକାନୀଙ୍କ କହିବା ମୁତାବକ ଦର ଦେବାକୁ ବାଧ୍ୟ ହେଉଛନ୍ତି । ଏପରିକି ଦର ନିୟନ୍ତ୍ରଣ କରୁଥିବା ବିଭାଗୀୟ ଅଧିକାରୀ ଠକାମୀର ଶିକାର ହେଉଥିବା ପରିଲକ୍ଷିତ ହେଉଛି । ବିଭାଗୀୟ କର୍ତୃପକ୍ଷ ତୁରନ୍ତ ଏଥିପ୍ରତି ଦୃଷ୍ଟି ଦେଇ ଗ୍ରାହକ ମାନଙ୍କୁ ଠକୁଥିବା ଦୋକାନୀ ମାନଙ୍କ ବିରୁଦ୍ଧରେ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଦାବି ହେଉଛି ।
ସୋନପୁର ଜିଲ୍ଲା ପ୍ରତିନିଧି ସୁଶାନ୍ତ କୁମାର ସାହୁଙ୍କ ରିପୋର୍ଟ odiabarta.in
For latest news & updates, click on bell button and subscribe to notifications.
Like us on Facebook👇
Subscribe us on Youtube👇
Join our whatsapp group👇
