ସୋନପୁର,୮/୫ : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର କୃଷି ବିଭାଗ ଆନୁକୂଲ୍ୟରେ ସ୍ଥାନୀୟ ଉଫୁଲାସ୍ଥିତ କୃଷି ଫାର୍ମଠାରେ କୃଷି ଜିଲାସ୍ତରୀୟ ଅକ୍ଷୟ ତୃତୀୟା ଉତ୍ସବ ତଥା କୃଷକ ଦିବସ ପାଳିତ ହୋଇଯାଇଛି । ସ୍ଥାନୀୟ ଉପଜିଲାପାଳ ସୁବ୍ରତ କୁମାର ବେହେରା ଏଥିରେ ମୁଖ୍ୟଅତିଥିଭାବେ ଯୋଗଦେଇ ଅକ୍ଷି ମୁଠିର
ଶୁଭ ଅନୁକୂଳ କରିବା ସହ କୃଷକମାନଙ୍କୁ ଉଦ୍ବୋଧନ ଦେଇଥିଲେ । ବ୍ଲକ କୃଷକ ଉପଦେଷ୍ଟା କମିଟି ଅଧ୍ୟକ୍ଷା ବନିତା ପଧାନଙ୍କ ପୌରୋହିତ୍ୟରେ ଅନୁଷ୍ଠିତ ସଭାରେ ଜିଲା କୃଷି ଅଧିକାରୀ ପ୍ରଶାନ୍ତ କୁମାର ଶତପଥି କୃଷିର ବିକାଶ ପାଇଁ ସରକାରଙ୍କ ବିଭିନ୍ନ କାର୍ଯ୍ୟକ୍ରମ ସମ୍ପକୟଙ୍କର ଆଲୋକପାତ କରିଥିଲେ । ଉଦ୍ୟାନ କୃଷି ଅଧିକାରୀ ଅନ୍ତର୍ଯ୍ୟାମୀ ସାହୁ ଉଦ୍ୟାନ କୃଷି ଓ ବାଡି ପଟ ବଗିଚା ସମ୍ପକୟଙ୍କର ଆଲୋଚନା କରିଥିଲେ । ସହକାରୀ କୃଷି ଅଧିକାରୀ ତୁଷାରକାନ୍ତ ସାହୁ କୃଷି ଉତ୍ପାଦନ ବୃଦ୍ଧି ନେଇ ବିଭିନ୍ନ ପରାମର୍ଶ ଦେଇଥିଲେ । ସ୍ଥାନୀୟ ତହସିଲଦାର ତଥା ଭାରପ୍ରାପ୍ତ ଗୋଷ୍ଠୀ ଉନ୍ନୟନ ଅଧିକାରୀ ଅଭିମନ୍ୟୁ ମାଝୀ ସମ୍ମାନୀତ ଅତିଥିଭାବେ ଯୋଗଦେଇ ବକ୍ତବ୍ୟ ରଖିଥିବାବେଳେ କୃଷକ ଉପଦେଷ୍ଟା କମିଟି ସଦସ୍ୟ ନୀଳକମଳ ମିଶ୍ର, ଶାନ୍ତିଲତା ପଧାନ ପ୍ରମୂଖ ସଭାରେ ମଞ୍ଚାସୀନ ଥିଲେ । ବ୍ଲକ ସହକାରୀ ବୈଷୟିକ ପରିଚାଳକ ମୀନକେତନ ମହାକୁର ସଭାର ସଂଯୋଜନା କରିଥିବାବେଳେ କୃଷକ ଉପଦେଷ୍ଟା କମିଟି ସଭ୍ୟ ଯୋଗୀନ୍ଦ୍ର ମିର୍ଦ୍ଧା ଧନ୍ୟବାଦ ଦେଇଥିଲେ ।
ସୋନପୁର ଜିଲ୍ଲା ପ୍ରତିନିଧି ସୁଶାନ୍ତ କୁମାର ସାହୁଙ୍କ ରିପୋର୍ଟ odiabarta.in
For latest news & updates, click on bell button and subscribe to notifications.
Like us on Facebook👇
Subscribe us on Youtube👇
Join our whatsapp group👇
