ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): କଳାହାଣ୍ଡିର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ସେବା ଜଗତ ତରଫରୁ ସେଲ୍ କୋ ଫାଉଣ୍ଡେସନ ସୌଜନ୍ୟରେ ପଞ୍ଚାୟତ ସମିତି ସ୍ତରୀୟ ଆଭିମୁଖି କରଣ ଶିବିର କାର୍ଯ୍ୟକ୍ରମ ବୁରାଟ ସ୍ଥିତ ତାଲିମ ପ୍ରକୋଷ୍ଟରେ ଅନୁଷ୍ଠିତ ହେଇଯାଇଛି । ଏଥିରେ ସେଲକୋ ଫାଉଣ୍ଡେସନର ସ୍ୱାଗତିକା ନାୟକ, କୃଷ୍ଣ ଚନ୍ଦ୍ର ବେହେରା, ଓ ଏମ୍ ଏମ୍ ର ପୂଜା ବର୍ମା, ବି ଟି ଟି ଆବାହକ ଡ଼ ଦିବ୍ୟ ରଞ୍ଜନ ଲେଙ୍କା, କାରୁଣ୍ତ ଫାର୍ମରସ ଉତ୍ପାଦକ ଗୋଷ୍ଠୀର ସଭାପତି ବିଭୂତି ଭୂଷଣ ମହାଖୁଡ଼ ଯୋଗ ଦେଇଥିବା ବେଳେ ସେବା ଜଗତ ସମ୍ପାଦକ ସତ୍ୟ ନାରାୟଣ ପଟ୍ଟନାୟକ ସଭାପତିତ୍ବ କରିଥିଲେ । ଏହି କାର୍ଯ୍ୟକ୍ରମରେ ମ.ରାମପୁର ବ୍ଲକର ବିଭିନ୍ନ ଗ୍ରାମର ମାଣ୍ଡିଆ ଚାଷୀ, ସ୍ଵୟଂ ସହାୟକ ଗୋଷ୍ଠୀ ସଦସ୍ୟା, ପ୍ରଗତିଶୀଳ ଚାଷୀ ପ୍ରମୁଖ ଉପସ୍ଥିତ ରହି ଥିଲେ । ଏହି ଅବସରରେ ନିରନ୍ତର ଶକ୍ତି ଚାଳିତ ସମାଧାନ ଦ୍ଵାରା ଓଡ଼ିଶା ମିଲେଟ୍ ମିଶନ ଅଧିନସ୍ଥ ଜୀବନ ଜୀବିକାର ବିକାଶ ଉପରେ ତର୍ଜମା କରାଯାଇଥିଲା । ସେବା ଜଗତର ସୁନୀତା ତାଣ୍ଡି, ରୋଶନାରା ମହାନ୍ତି, ଗରୁଡ଼ ଭୋଇ, ଟଙ୍କଧର ବଗର୍ତ୍ତି, ଯାଜ୍ଞାସେନୀ ଭୋଇ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
