ୱେଷ୍ଟଇଣ୍ଡିଜର ବିମାନ ସେବା ନେଇ ଅସନ୍ତୋଷ ବ୍ୟକ୍ତ କଲେ ଟିମ ଇଣ୍ଡିଆ

ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ଭାରତୀୟ କ୍ରିକେଟ ଦଳ ଏବେ ୱେଷ୍ଟଇଣ୍ଡିଜ ଗସ୍ତରେ ରହିଛି । ୨ମ୍ୟାଚ ବିଶିଷ୍ଟ ଟେଷ୍ଟ ସିରିଜକୁ ୧-୦ରେ ଜିତିବା ପରେ ଏବେ ଦିନିକିଆ ସିରିଜ ଉପରେ ନଜର ରହିଛି । ତେବେ ୱେଷ୍ଟଇଣ୍ଡିଜରେ ବିମାନ ସେବା ନେଇ ଖେଳାଳିମାନେ ଅସନ୍ତୋଷ ବ୍ୟକ୍ତ କରିଛନ୍ତି । ତ୍ରିନିଦାଦରୁ ବାରବାଡୋସ ଯିବା ପୂର୍ବରୁ ସେମାନଙ୍କୁ ୬ ଘଂଟା ଅପେକ୍ଷା କରିବାକୁ ପଡିଥିଲା । ରାତି ୧୧ଟା ଫ୍ଲାଇଟରେ ଯିବା ବଦଳରେ ସେମାନେ ସକାଳ ୪ଟାରେ ଯାଇଥିଲେ । ଟିମ ଇଣ୍ଡିଆ ପକ୍ଷରୁ ଏ ନେଇ ବିିସିସିଆଇ ନିକଟରେ ଅଭିଯୋଗ କରାଯାଇଛି । ଯଦି ଅନାବଶ୍ୟକ ବିଳମ୍ବ ହେଉଛି ତେବେ ଦିନରେ ବ୍ୟବସ୍ଥା କରିବାକୁ ସେମାନେ ଅନୁରୋଧ କରିଛନ୍ତି । ଏହା ଦ୍ୱାରା ହୋଟେଲରେ ବିଶ୍ରାମ କରିହେବ ବୋଲି ସେମାନେ କହିଛନ୍ତି ।