ଓଡ଼ିଆ ବାର୍ତ୍ତା/ ଜୁନାଗଡ଼ (ସ୍ବାସ୍ତିଦୀପ ଆଦିତ୍ୟ): ଜୁନାଗଡ଼ ହାଇସ୍କୁଲ ପରିସରରେ ମୋ ସ୍କୁଲ ଅଭିଯାନ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରଧାନ ଶିକ୍ଷକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଜୁନାଗଡ଼ ହାଇସ୍କୁଲ ‘ମୋ ସ୍କୁଲ ଅଭିଯାନ’ର ସଭାପତି ସନ୍ତୋଷ କୁମାର ସିଂହଦେଓ, ସମ୍ପାଦକ କୁବଳେଶ୍ୱର ପାଣିଗ୍ରାହୀ, ଅବସରପ୍ରାପ୍ତ ଶିକ୍ଷକ ଆର୍ତତ୍ରାଣ ବାଗ, ପୁରାତନ ଛାତ୍ର ବିଜୟ ପାଢ଼ୀ, ବିଶିଷ୍ଟ ଶିଳ୍ପପତି ଦୁର୍ଗା ପ୍ରସାଦ ନାଏକ ପ୍ରମୁଖ ମଂଚାସୀନ ରହି ମୋ ସ୍କୁଲ ଅଭିଯାନର ତାତ୍ପର୍ଯ୍ୟ ଉପରେ ଆଭିମୁଖ୍ୟ ପ୍ରଦାନ କରିଥିଲେ। ଏହି ଅବସରରେ ମୋ ସ୍କୁଲ ଅଭିଯାନରେ ଅର୍ଥ ଓ ସେବାଦାନ କରିଥିବା ସ୍କୁଲର ପୁରାତନ ଛାତ୍ର ଛାତ୍ରୀ ପ୍ରହଲ୍ଲାଦ ପ୍ରଧାନ, ରଶ୍ମିଲତା ପାଢ଼ୀ, ସରୋଜ ମିଶ୍ର, ଦିଲ୍ଲୀପ ଧଙ୍ଗଡ଼ାମାଝି, ଅନିଲ ପଣ୍ଡା, ଲଳିତ ଅଗ୍ରୱାଲ, ମନୋରଞ୍ଜନ ସାହୁ, ଅଜୟ ଶର୍ମା, ବିରଜା ପ୍ରସାଦ ସାମନ୍ତରାୟ, ରଜନୀକାନ୍ତ ମିଶ୍ର, ଉପେନ୍ଦ୍ର ପୁଝାରୀ, ସଂଜୀବ ଦାଶ ପ୍ରମୁଖଙ୍କୁ ମୁଖ୍ୟମନ୍ତ୍ରୀଙ୍କ ଦ୍ୱାରା ପ୍ରଦତ୍ତ ମାନପତ୍ର ପ୍ରଦାନ ପୂର୍ବକ ସମ୍ମାନିତ କରାଯାଇଥିଲା । ବିଦ୍ୟାଳୟର ବରିଷ୍ଠ ଶିକ୍ଷକ ମଳୟ କୁମାର ମୁଣ୍ଡ ସଭା ପରିଚାଳନା କରିଥିବାବେଳେ ଶେଷରେ ମୋ ସ୍କୁଲ ଅଭିଯାନର ସମ୍ପାଦକ କୁବଲେଶ୍ଵର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ।
